Eclesiastés 3:4 - Bible in Tzeltal Bachajón

⁴ ay yorahil oq'uel, ay yorahil tse'ej; ay yorahil mel-o'tan, ay yorahil ahc'ot;

Bible in Tzeltal de Oxchuc y Tenejapa

⁴ Ay yorail oq'uel, soc ay yorail tse'ej. Ay yorail mel-o'tan, soc ay yorail pas-q'uin.

Eclesiastés 3:4 Referans Kwoze

Romanos 12:15

Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

Santiago 4:9

Mela awo'tanic, oq'uetaya abahic. Ac'a sutp'ijuc ta oq'uel te atse'ejic, soc ac'a sutp'ijuc ta mel-o'tan te stse'elil awo'tanique.

Salmos 30:5

Como c'axel nax ay te yilimba, yan te c'uxultayel yu'une ya xhalaj spisil cuxlejalil. Ta ahc'abal ay oq'uel, pero ta sab ya xtal yutsil q'uinal.

Éxodo 15:20

Hich te jalwanej María, te swix te Aarón, la stsac pandero, soc spisil te antsetic la st'unic bahel soc panderohetic soc hahchic ta ahc'ot.

2 Corintios 7:10

Como te mel-o'tan te ya sc'an te Dios ya yac' suhtesel-o'tanil scuenta colel, soc mayuc mel-o'tan tey a; yan te mel-o'tan yu'un te bahlumilal ya x'ac'awan ta lajel.

San Lucas 1:58

C'alal la ya'iyic te spat-xuhc soc smohlol sts'ahquil te la yich'ix bayel c'uxultayel yu'un Dios, pajal bayel yutsil yo'tanic soc.

San Mateo 11:17

La jcoq'uesimbeyexcotic amay, pero ma ba ahc'otajex; la jc'ayojtaybeyexcotic c'ayoj yu'un mel-o'tan, pero ma ba oq'uex, xchihic;

San Mateo 9:15

Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

Génesis 21:6

Hich la yal ta yo'tan te Sara: Dios la yac'on ta tse'ej, soc mach'ayuc a te ya ya'iy, pajal ya xtse'ejinon soc, xchi.

Salmos 30:11

Te oq'uel cu'un la ajelbonix ta ahc'ot; la aloq'uesbonix te pac' yu'un mel-o'tan, la awa'bon jlap te tse'el-o'tanil.

Eclesiastés 3:5

ay yorahil ta puhquel bahel tonetic, ay yorahil ta tsobel tal tonetic; ay yorahil mech'el, ay yorahil mayuc mech'el;

Eclesiastés 7:14

Ta yorahil te bin lec, tse'eluc awo'tan yu'un; soc te bin ora wocol, nopa ta lec. Ha nix Dios la spas ta schebalic, scuenta yu'un te ants-winic ma ba ya sna' te bin ya xc'oht ta stojol ta patil.

Isaías 40:1

Muc'ubtesbeyahic q'uinal, muc'ubtesbeyahic q'uinal ya'iy te pueblo cu'un, xchi te Dios awu'unique.

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.