Eclesiastés 3:22 - Bible in Tzeltal Bachajón

²² Ha yu'un la jquil te mayuc bin yan xan lec ya xhu' ya spas te ants-winique, ha nax te ya smulan te ya'tele, yu'un hich a'bibil spas. Como ¿mach'a ya xhu' ya ya'be yil bin ya xc'oht ta pasel ta stojol ta patil?

Bible in Tzeltal de Oxchuc y Tenejapa

²² La jna'beyix swentail ta lec, te ma'yuc bi mero t'ujbil ta mulanel te ya yaiybey yutsilal te winique, ja' nax te ya stuuntes te yat'ele. Ja' nax yu'un abi, melel ma'yuc mach'a ya xbajt'ic ta iq'uel tel yu'un, te ya xtal yil xan te bi ya xc'ot ta pasel te c'alal lajemixe.

Eclesiastés 3:22 Referans Kwoze

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Eclesiastés 10:14

Te mach'a ma sna' q'uinal bayel bin ya yal. Teme mayuc mach'a ya sna' bin ya xc'oht ta pasel, ¿mach'a ya xhu' ya ya'be sna' bin ya xc'oht ta pasel ta patil yu'un?

Eclesiastés 8:7

ha te ma sna' bin ya xc'oht ta pasel; soc te bin ora ya xc'oht ta pasel ¿mach'a ya xhu' ya yalbe?

Eclesiastés 6:12

Como ¿mach'a ya sna' bin a te lec yu'un te ants-winic te jayeb c'ahc'al cuxul, te jayeb c'ahc'al scuxlejal te tojol nax, te hich ya xc'ax te bin ut'il axinal? ¿Soc mach'a ya xhu' ya ya'be sna' te winic te bin ya xc'oht ta pasel ta patil yu'un ta ye'tal te ch'ulchane?

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

San Mateo 6:34

Ha yu'un ma me ha'uc ya xbaht ta awo'tanic sna'el te pajele, como te pajel, ha ya yil sba stuquel. Tic'uc a te wocol ta jujun c'ahc'al.

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Eclesiastés 8:15

Ha yu'un ya cal te ha lec te yutsil-o'tanil, como mayuc bin lec xan ya spas te winic ta ye'tal ch'ulchan, ha te ya xwe' ya x'uch' soc te ay yutsil q'uinal ya ya'iy. Ha ya xjoquinot yu'un te jayeb c'ahc'al te scuxlejal ta ye'tal ch'ulchan te ya x'a'bot yu'un te Diose.

Job 14:21

Teme ya x'ich'otic ta muc' te snich'nab, ma ba ya sna' stuquel; teme ya xpehc'anotic, ma ba ya yil stuquel;

Deuteronomio 28:47

Te bin ut'il ma ba la awac' aba ta a'batinel soc yutsil awo'tan ta stojol Jehová te Dios awu'un te c'alal bayel bintic ay awu'un,

Deuteronomio 12:18

ha nax yac awe' ta stojol Jehová te Dios awu'un, ta lugar te ya stsa stuquel, ha'at soc awal-anich'nab, te awa'bat, acriada soc te levita te ya xnahin ta pueblohetic awu'un. Tse'eluc me awo'tan ta stojol Jehová te Dios awu'un yu'un spisil awa'tel.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Eclesiastés 2:18

Ha nix hich la jp'aj spisil ca'tel la jpas ta ye'tal ch'ulchan, ta scaj te ya sc'an ya ca'be hilel yan te ya xtal ta patil cu'une.

Eclesiastés 7:14

Ta yorahil te bin lec, tse'eluc awo'tan yu'un; soc te bin ora wocol, nopa ta lec. Ha nix Dios la spas ta schebalic, scuenta yu'un te ants-winic ma ba ya sna' te bin ya xc'oht ta stojol ta patil.

Eclesiastés 9:6

Ch'ayemiquix te sc'uxul yo'tanic, te yil-o'tantaywanejic soc te bin xbiq'uet ta yo'tanic; ma xyaq'uix sbahic a te bin ya yich' pasel ta ye'tal ch'ulchan.