Eclesiastés 3:19 - Bible in Tzeltal Bachajón

¹⁹ Como te bin ya xc'oht ta scuenta te ants-winiquetic soc te chambahlametic junax ta schebalic: ha te bin ut'il ya xcham te june, hich nix ya xcham te yane. Pajal ya yich'ic ic'; te ants-winic mayuc banti toyol yu'un te chambahlam, yu'un spisil tojol nax.

Bible in Tzeltal de Oxchuc y Tenejapa

¹⁹ Ta mero melel, te ants-winiquetic soc te chambalametic, pajal ay slajibalic, pajal ya xlajic bael. Melel te bit'il cuxulique, pajal ya yich'ic ic', soc ta swenta bit'il ya yich'ic ic' te cuxulique. Ma'yuc mach'a cajal, ni te ants-winic ni te chambalame: ta spisil, mero tojol ta jyalel.

Eclesiastés 3:19 Referans Kwoze

Salmos 49:12

Pero te ants-winic ma sbahteluc q'uinal cuxul, aunque jc'ulej; ¡pajal ay soc chambahlametic te ya xchamique!

Salmos 49:20

Te ants-winic te ay sc'ulejal pero mayuc sp'ijil, pajal soc chambahlametic te ya xchamique.

Eclesiastés 2:16

Como te mach'a p'ij yo'tan soc te mach'a ma sna' q'uinal ma spisiluc ora ya xna'ot; c'alal ya xc'ax bayel c'ahc'al spisil ya xch'ay ta o'tanil. Te mach'a ay sp'ijil yo'tan soc te mach'a ma sna' q'uinal, pajal ya xchamic.

Eclesiastés 2:14

Te mach'a ay sp'ijil yo'tan jamal te site, yan te mach'a ma sna' q'uinal ya xbehen ta yihc'al q'uinal stuquel. Pero la jnop te junax ya xc'oht ta stojol schebalic.

Salmos 104:29

Teme yac anac' asit awelaw ta stojolic, ya xiwic; teme yac apojbe te ic' yu'unic, ya xchamic, ya sutp'ijic ta ts'ubilum.

2 Samuel 14:14

Jna'ojtic te jpisiltic ya xchamotic, hichotic te bin ut'il ha' te ya xmahl ta lum, te ma spasix ta tsobel. Te Dios mayuc mach'a ya slajimbe scuxlejal, ha ya sle bin ut'il ma ba spisil ora namal ya xhil ta stojol te mach'a tembil loq'uele.

Números 16:29

Teme spisil te winiquetic ini hich ya xchamic te bin ut'il ya xchamic ants-winiquetic, teme hich nix ya xc'oht ta stojolic te bin ya xc'oht ta stojol spisil ants-winiquetic, yu'unix ma ha'uc la sticonon tal a te Jehová.

Eclesiastés 7:2

Ha lec xan a te bahel ta na ta ban ay mel-o'tan yu'un mach'a cham te bin ut'il bahel ta na ta ban ay we'elil yu'un q'uin, como te lajel ha slajib spisil ants-winiquetic, soc te mach'a cuxul ya ya'be sna' ta yo'tan.

Eclesiastés 9:2

Pajal quechel ya xc'oht ta stojol spisilic: te mach'a toj yo'tan soc te mach'a chopol yo'tan, te mach'a lec yo'tan soc te mach'a ma lecuc yo'tan; te mach'a sac yo'tan soc te mach'a ma ba sac yo'tan, te mach'a ya yac' milbil mahtanil soc te mach'a ma ba ya yac' milbil mahtanil; te bin ya xc'oht ta stojol te mach'a lec yo'tan hich nix ya xc'oht ta stojol te jmulawil, soc te mach'a ay bin ya yal ta jamal hich nix te mach'a ya xi' te ay bin ya yal ta jamal.

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Salmos 49:13

Hich ya xc'ohtic te mach'atic ya yich' sbahic ta muc', hich ya xch'ayic bahel te mach'atic ya yalic yutsil sc'oblalic. Selah

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Eclesiastés 1:17

La jcac' co'tan ta sna'beyel sba te p'ijil-o'tanil soc nix te locahijel soc te bin sonsohil. La jna' te ha nix snutsel te iq'ue.