Eclesiastés 3:12 - Bible in Tzeltal Bachajón

¹² Jna'oj te mayuc yan bin lec ya spas te ants-winic, ha nax te tse'eluc yo'tan soc te lecuc bin ya spas ta scuxlejal;

Bible in Tzeltal de Oxchuc y Tenejapa

¹² Ya jna' te bi mero lec ya spas te ants-winiquetique: Ya sc'an te ya sc'ases yo'tanic ta smulanel te bitic aye, soc ya sc'an ya yaiybeyic yutsilal te cuxlejale.

Eclesiastés 3:12 Referans Kwoze

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

Eclesiastés 3:22

Ha yu'un la jquil te mayuc bin yan xan lec ya xhu' ya spas te ants-winique, ha nax te ya smulan te ya'tele, yu'un hich a'bibil spas. Como ¿mach'a ya xhu' ya ya'be yil bin ya xc'oht ta pasel ta stojol ta patil?

1 Timoteo 6:18

Halbeya mandar te ac'a spasic te bin lec, ha'uc me sc'uhlejalic te lequil a'teliletic, soc te bayeluc bintic ya yaq'uic soc orahuc ay bin ya sq'uebenic.

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Isaías 64:5

Ya xloc'at ta stahel te mach'a soc yutsil yo'tan ya spas te bin stojil ta pasel, te ya sna'bat te behetic awu'une. Pero ilinat yu'un la jta jmulcotic, como bayel ha'bil la jpasulancotic muliletic. ¿Ya bal xhu' ya xcolotcotic?

Deuteronomio 28:63

Hich te bin ut'il tse'el yo'tan Jehová te la ya'beyex awutsilalic soc te la yac' p'ohluquex, ha nix hich tse'el yo'tan ya sjinex soc ya slajinex; yac awich'ic bulel loq'uel tey ta q'uinal banti ya x'och awu'untayic.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Deuteronomio 12:18

ha nax yac awe' ta stojol Jehová te Dios awu'un, ta lugar te ya stsa stuquel, ha'at soc awal-anich'nab, te awa'bat, acriada soc te levita te ya xnahin ta pueblohetic awu'un. Tse'eluc me awo'tan ta stojol Jehová te Dios awu'un yu'un spisil awa'tel.

Deuteronomio 26:11

Tse'eluc me awo'tan yu'un spisil te bintic ya'beyejat te Jehová te Dios awu'un soc te mach'atic ay awu'un ta ana, soc nix te levita soc jyanlum te ay ta awohlil.

Eclesiastés 2:3

La jnop ta co'tan te ya ca'be smulan jbaq'uetal te vino soc te ya ca'iy sonsohil, ya to scuentahimbon co'tan a te p'ijil-o'tanile, ha to c'alal ya quil bin a te lec ay ta pasel yu'un te yal-snich'nab ants-winiquetic ta ye'tal ch'ulchan te jayeb c'ahc'al cuxulic.

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Eclesiastés 8:15

Ha yu'un ya cal te ha lec te yutsil-o'tanil, como mayuc bin lec xan ya spas te winic ta ye'tal ch'ulchan, ha te ya xwe' ya x'uch' soc te ay yutsil q'uinal ya ya'iy. Ha ya xjoquinot yu'un te jayeb c'ahc'al te scuxlejal ta ye'tal ch'ulchan te ya x'a'bot yu'un te Diose.

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.