Eclesiastés 2:8 - Bible in Tzeltal Bachajón

⁸ La jtsob bayel plata soc oro, soc c'ulejaliletic yu'un ajwaliletic soc yu'un yantic q'uinaletic. La jquic' jc'ayoj-winiquetic soc antsetic, soc bayel yantic antsetic, ha te bintic ya sc'an yo'tan te yal-snich'nab ants-winiquetic.

Bible in Tzeltal de Oxchuc y Tenejapa

⁸ Bayal oro soc plata la jbusan ta tsobel, c'ulejaliletic te ja' yu'unic a te yantic muc' ajwaliletic soc ay tal ta yantic q'uinaletic. Ay jc'ayoj-winiquetic cu'un, soc ay jc'ayoj-antsetic cu'un, soc la jmulanbey yutsilal te ch'ich'-baq'uete, ma'yuc la spason falta antsetic.,

Eclesiastés 2:8 Referans Kwoze

1 Reyes 10:10

Hich la ya'be te ajwalil oxwinic (120) talento oro, bayel bin sumet yic' soc t'ujbil tonetic. Mayuc yan hich yipal te bintic sumet yic' te bin ut'il a'bot te ajwalil Salomón yu'un te ajwalil-ants yu'un Sabá.

1 Reyes 9:28

Bahtic ta sq'uinal Ofir, la yich'ic tal tey a jbahc' soc jtahb (420) talento oro ta stojol te ajwalil Salomón.

2 Samuel 19:35

Ayix chanwinic (80) ca'bilal. ¿Ya bal xhu' cu'un stsahtayel te bin ay yutsil soc te bin mayuc yutsil? ¿Ya bal ya'iybe sbuhts' te awa'bat te bin ya swe' o ya yuch'? ¿Ya bal ca'iybeyix sc'ayojic te winiquetic soc te antsetic? ¿Bin yu'un ya ya'be xan swocol te ajwalil cu'un te a'bat awu'une?

1 Reyes 10:14

Te yalal te oro la yich' ta scuenta jujun ha'bil te Salomón, ha waqueb schanlajunwinic scha'bahc' (666) talento oro.

Amós 6:5

yac awixtalan anuq'uic ta scuenta sc'op te flauta, soc yac anopic spasel yantic a'tejibaletic yu'un música hich te bin ut'il David;

Daniel 3:15

Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

Daniel 3:7

Ha yu'un te c'alal la ya'iyic te sc'op te corneta, flauta, cítara, lira, salterio, gaita, soc spisil te a'tejibaletic yu'un música, spisil te pueblohetic, nacionetic soc spisil ta chahp c'opiletic la squejan sbahic soc la sch'uhuntayic te loc'omba pasbil ta oro te tehc'ambil yu'un te ajwalil Nabucodonosor.

Daniel 3:5

te c'alal yac awa'iyic te sc'op te corneta, flauta, cítara, lira, salterio, gaita, soc spisil te a'tejibaletic yu'un música, ya me aquejan abahic ta stojol soc ya me ach'uhuntayic te loc'omba pasbil ta oro te la stehc'an te ajwalil Nabucodonosor.

Esdras 2:65

Ma ba ahtaybil stuquelic te a'bat ants-winiquetic yu'unic, te ay waxaclajunbahc' soc huclajuneb shucwinic (7,337) ta tuhl. Soc ay lajunwinic (200) ta tuhl jc'ayoj ants-winiquetic.

2 Crónicas 9:11

Te ajwalil la spas ta sándalo-te' te cajalcaj mohel ta sna Jehová soc ta sna ajwalil, soc arpahetic soc salteriohetic yu'un te jc'ayojetique. Mayuc banti hich yilel te'etic ta sq'uinal Judá.

1 Crónicas 25:6

Ta spisilic ini cuentahimbilic yu'un te static ta yalel c'ayoj ta sna Jehová soc platillo, salterio soc arpa, scuenta te a'tel ta sna Dios. Te Asaf, Jedutún soc Hemán cuentahimbilic yu'un te ajwalil.

1 Crónicas 25:1

Ha nix hich te David soc te jtsobawetic yu'un te soldadohetic la ya'beyic ya'telic te snich'nab Asaf, Hemán soc Jedutún te ya yalic sc'op-jalwanej ta scuenta stijel arpa, salterio soc platillo. Hich ay sbihilic te mach'atic ay ta scuentahic spasel te a'tele:

1 Reyes 14:27

Te ajwalil Roboam la spasbe scuenta sjelol mahquilaletic ta bronce, la ya'be te capitanetic yu'un te jcanantaywanej soldadohetic te ya scanantayic te yochibal te sna ajwalil.

1 Reyes 10:21

Ta spisil te vasohetic yu'un te ajwalil Salomón pasticlambil ta oro, ha nix hich spisil te bintic tuhun ta na Toyemte'etic yu'un Líbano pasticlambilic ta lequil oro. Mayuc bin pasbil ta plata, como ta yorahil Salomón mayuc sc'oblal ta o'tanil.

1 Reyes 9:14

Te Hiram sticombeyejix Salomón wacwinic (120) talento oro.

1 Reyes 11:3

Ay ho'lajunwinic scha'bahc' (700) ta tuhl te la yihnamin, te ha yantsil-nich'anic ajwaliletic, soc ho'lajunwinic (300) ta tuhl yantic antsetic yu'un. Te antsetic yu'un la showiytesbeyic yo'tan te Salomón.

Eclesiastés 1:2

Tojol, tojol, xchi te Jp'ijubteswanej. Mero tojol, tojol ta spisil, xchi.