Eclesiastés 2:22 - Bible in Tzeltal Bachajón

²² Como ¿bin ya sta a te winic yu'un spisil ya'tel te ya xc'ax yo'tan yu'un, te ya yo'tantay spasel ta ye'tal ch'ulchan?

Bible in Tzeltal de Oxchuc y Tenejapa

²² ¿Bi ya xloc' yu'un a jiche te winic te mero bayal ya x'at'eje, soc te mero ma'yuc jojch'el yu'un li'to ta balumilale?

Eclesiastés 2:22 Referans Kwoze

Eclesiastés 1:3

¿Bin ya xloc' yu'un a te winic yu'un spisil te ya'tel ya spas ta ye'tal ch'ulchan?

Salmos 127:2

Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.

1 Pedro 5:7

A'beya ta stojol spisil te bintic yac amel awo'tanic yu'un, como ayex ta canantayel yu'un.

1 Timoteo 6:8

Ha yu'un teme ay jwe'el cuch'eltic soc jc'u' jpac'tic, junuc co'tantic yu'un.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.

San Mateo 6:34

Ha yu'un ma me ha'uc ya xbaht ta awo'tanic sna'el te pajele, como te pajel, ha ya yil sba stuquel. Tic'uc a te wocol ta jujun c'ahc'al.

Eclesiastés 4:6

Ha lec xan te jnohp' ta c'abal nojel ta lamal q'uinal te bin ut'il cha'nohp' ta c'abal te nojel ta a'tel soc ta snutsel te iq'ue.

Eclesiastés 3:9

¿Bin ya xloc' yu'un a te winic te bayel ya x'a'teje?

San Mateo 16:26

Como ¿bin ya sta a te winic teme yu'untayej spisil te bahlumilal, pero teme ch'ayel ya xbaht te sch'uhlele? ¿Bin ya yac' a te winic yu'un te sch'uhlele?

San Mateo 6:11

A'botcotic jwe'elcotic yo'tic scuenta jujun c'ahc'al.

Eclesiastés 8:15

Ha yu'un ya cal te ha lec te yutsil-o'tanil, como mayuc bin lec xan ya spas te winic ta ye'tal ch'ulchan, ha te ya xwe' ya x'uch' soc te ay yutsil q'uinal ya ya'iy. Ha ya xjoquinot yu'un te jayeb c'ahc'al te scuxlejal ta ye'tal ch'ulchan te ya x'a'bot yu'un te Diose.

Eclesiastés 5:17

Soc te jayeb c'ahc'al cuxul ya xwe' ta yihc'al q'uinal, soc bayel swocol, ay schamel soc xut'xon q'uinal ya ya'iy.

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

San Lucas 12:29

Ha yu'un ma me xbaht ta awo'tanic sna'ulanel te bin yac awe'ic o te bin yac awuch'ic; ma me xawac' awocolic ta sna'ulanel,

San Lucas 12:22

Te Jesús la yalbe te jnopojeletic yu'un: Ha yu'un ya calbeyex, ma me xbaht ta awo'tanic sna'ulanel bin ut'il ya xcuxajex, ha te bin yac awe'ic; o te abaq'uetal, bin yac alapic.

San Mateo 6:25

Ha yu'un ya calbeyex, ma me ha'uc xbaht ta awo'tanic sna'el bin ut'il ya xcuxajex, bin yac awe'ic soc bin yac awuch'ic; o bin ut'il ay abaq'uetalic, ha te bin yac alapique. ¿Ma bal c'axuc hich sc'oblal acuxlejalic a te bin ut'il te we'elil, soc ma bal c'axuc hich sc'oblal abaq'uetal a te bin ut'il te ac'u' apaq'uique?

Proverbios 16:26

Te mach'a yo'tanuc ya xwe', ha ya sujot ta a'tel yu'un; te wi'nal ya xtenawan bahel ta a'tel.

1 Corintios 16:16

Ya calbeyex wocol te yacuc awac' abahic ta cuentahinel yu'un te mach'a hich yac spasbelic, soc spisil mach'atic ya xcoltaywanic soc ya x'a'tejic.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.