Eclesiastés 2:16 - Bible in Tzeltal Bachajón

¹⁶ Como te mach'a p'ij yo'tan soc te mach'a ma sna' q'uinal ma spisiluc ora ya xna'ot; c'alal ya xc'ax bayel c'ahc'al spisil ya xch'ay ta o'tanil. Te mach'a ay sp'ijil yo'tan soc te mach'a ma sna' q'uinal, pajal ya xchamic.

Bible in Tzeltal de Oxchuc y Tenejapa

¹⁶ Melel ta patil ma'yuc bi ora ya xna'otix te mach'a ay sp'ijile, ja' nix jich ma'yuc mach'a ya xna'otix yu'un uuc te mach'a ma sna' q'uinale. Teme c'ax bael te c'aale, spisil ya xch'ay ta o'tanil. Te mach'a ay sp'ijile ya xlaj, ja' nix jich ya xlaj te mach'a ma sna' q'uinale. Pajal ya xch'ayic bael ta q'uinal”, xoon.

Eclesiastés 2:16 Referans Kwoze

Eclesiastés 1:11

Mayuc ta na'el te bin c'ohemix ta pasel, soc te bintic ya to xc'oht ta pasel mayuc ta na'el yu'un te mach'atic patil ya xtalique.

Eclesiastés 9:5

Como te mach'atic cuxajtic ya sna'ic te ya me xchamic, pero te mach'atic chamenic mayuc bin ya sna'ic, soc mayuquix yan bin ya x'a'botic; ch'aybiliquix ta o'tanil.

Salmos 88:12

¿Na'bil bal sba ta yihc'al q'uinal te jchahp a'teliletic awu'un, o te bintic toj apasoj, ta q'uinal te ma ba na'bilix sba?

Éxodo 1:8

Ta patil bahel och yan ajwalil ta Egipto te ma ba la sna'be sba te José. Hich la yalbe te pueblo yu'une:

Hebreos 9:27

Jmehl nax ya xchamic ants-winiquetic, patil ay ich'el ta c'op,

Malaquías 3:16

Ha yu'un te mach'atic yich'ojic ta muc' te Jehová talel c'axel la yalbe sbahic; te Jehová la ya'iy ta lec bin la yalic. Ha yu'un ta stojol Jehová la yich' ts'ihbayel libro yu'un sna'ojibal yu'un te mach'atic xi'ojic te Jehová soc te ya yich'ic ta muc' te sbihile.

Eclesiastés 6:8

¿Binti xan ay yu'un a te mach'a p'ij yo'tan ta stojol te mach'a mayuc sp'ijil yo'tan? ¿Bin ya sta xan a te pobre teme ya sna' stsahtayel sba ta yohlil te yantique?

Eclesiastés 2:14

Te mach'a ay sp'ijil yo'tan jamal te site, yan te mach'a ma sna' q'uinal ya xbehen ta yihc'al q'uinal stuquel. Pero la jnop te junax ya xc'oht ta stojol schebalic.

Salmos 103:16

ya xc'ax ic' ta stojol, ya xch'ay bahel, ma xna'botix sba yu'un te lugar yu'une.

Salmos 49:10

Como chican ta ilel te ya xchamic te mach'atic p'ijic; te pajal ya xlajic soc te sonso soc te mach'a ma sna' q'uinal, soc yan mach'atic ya yich'ic te sc'ulejalique.

2 Samuel 3:33

Te ajwalil la sc'ayojtay te c'ayoj ini ta scuenta mel-o'tan yu'un te Abner, hich la yal: ¿Hich bal la sc'an te ya xlaj Abner te bin ut'il ya xlaj jtuhl sonso?

Éxodo 1:6

Cham te José, spisil te sbanquiltac soc te jcaj sts'ambalic soque.

Eclesiastés 2:15

Ha yu'un hich la jcal ta co'tan: Te bin ya xc'oht ta stojol te mach'a ma sna' q'uinal, hich nix ya xc'oht ta jtojol. ¿Banti ya xtuhun cu'un hiche te ay bayel sp'ijil co'tan? Ha yu'un la jcal ta co'tan te ha nix hich tojol nax, xchihon.

Eclesiastés 7:2

Ha lec xan a te bahel ta na ta ban ay mel-o'tan yu'un mach'a cham te bin ut'il bahel ta na ta ban ay we'elil yu'un q'uin, como te lajel ha slajib spisil ants-winiquetic, soc te mach'a cuxul ya ya'be sna' ta yo'tan.

Eclesiastés 8:10

Ha nix hich quiloj te mach'atic chopolic, te ma ba ya xbahtic ta ch'ul awilal, c'alal la yich'ic muquel halbot lec sc'oblalic; soc ta pueblo banti la spasic te bintic chopol ma'yuc mach'a la sna'ix bin la spasique. Ha nix hich tojol nax.

Eclesiastés 9:15

Ta yutil te pueblo ay jtuhl winic te pobre pero ay sp'ijil yo'tan, ha la scoltay te pueblo ta scuenta te sp'ijil yo'tane. ¡Pero mayuc mach'a patil na'ot yu'un te pobre winique!

Proverbios 14:8

Te p'ijil-o'tanil yu'un te mach'a p'ij, ha te ya stsahtay te behetic yu'un, pero te tojol c'op yu'un te mach'a ma sna' q'uinal, ya xlo'loywan.