Eclesiastés 2:10 - Bible in Tzeltal Bachajón

¹⁰ Ma ba la jcom te bin la smulan te jsite, ma ba la jcom te bin la smulan te co'tane. La smulan co'tan spisil te ca'tel, ha jmahtan c'oht yu'un spisil te ca'tele.

Bible in Tzeltal de Oxchuc y Tenejapa

¹⁰ Ma'yuc bi ora ma la jmulan te bila la smulan te co'tane, soc ma'yuc bi ora ma ba la cac'bey te co'tan te bila la smulane. La caiybey sbujts' soc co'tan ta spisil te cat'ele, ja' stojol jc'ab c'ot ta spisil.

Eclesiastés 2:10 Referans Kwoze

Eclesiastés 9:9

Tse'eluc me awo'tan soc awihnam te c'ux ta awo'tan, ta spisil acuxlejal te mayuc scuentahil, te ya'beyejat ta ye'tal ch'ulchan. Ha me te bin a'bilat te c'alal cuxulat soc te tulan ya x'a'tejat ta ye'tal te ch'ulchane.

Eclesiastés 5:18

Quiloj te bin lec: ha te ya xwe' ya x'uch' soc ya ya'iybe yutsil te ya'tel te ya yo'tantay spasel ta ye'tal ch'ulchan te jayeb c'ahc'al a'bibil scuxlejal yu'un Dios, como hich ay te bin ay yu'une.

Eclesiastés 3:22

Ha yu'un la jquil te mayuc bin yan xan lec ya xhu' ya spas te ants-winique, ha nax te ya smulan te ya'tele, yu'un hich a'bibil spas. Como ¿mach'a ya xhu' ya ya'be yil bin ya xc'oht ta pasel ta stojol ta patil?

Salmos 119:37

Ma me xawac' te ya quil te bintic tojol nax ay; a'bon jcuxlejal yu'un st'unel te be awu'une.

Salmos 128:2

Te c'alal awe'be sit te ya'tel ac'ab, bayel me awutsil soc lec ya xc'ohat.

1 Juan 2:16

como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

Eclesiastés 2:22

Como ¿bin ya sta a te winic yu'un spisil ya'tel te ya xc'ax yo'tan yu'un, te ya yo'tantay spasel ta ye'tal ch'ulchan?

Eclesiastés 11:9

Jcolel al-nich'anat, tse'eluc awo'tan ta yorahil te jcolel al-nich'anate, soc ac'a smulan awo'tan te yorahil te awach'ix-queremil. Pasa te bin ya smulan awo'tan soc te bintic yac awil ta asit, pero na'a me te Dios ya spasbat cuenta spisil ini.

Eclesiastés 6:9

Ha lec xan te bin ya yil te sit te bin ut'il te ya xc'ax bahel te bin ya sc'an yo'tan. Ha nix hich tojol nax soc ha snutsel te iq'ue.

Proverbios 23:5

Teme yac awac' asit ta stojol te c'ulejalil, ya xan awil, mayuquix a. Ya xloc' xic' hich te bin ut'il jxic, ya xwihl bahel c'alal ta ch'ulchan.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Jueces 14:2

Te c'alal suht ta sna hich la yalbe ya'iy te sme'stat: La jquil jtuhl filistea ach'ix ta Timnat; awocoluc, c'ambon yu'un ya quic', xchi.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Eclesiastés 5:10

Te mach'a c'ux ta yo'tan te taq'uine, mayuc bin ora ya yal te tic' a; te mach'a c'ux ta yo'tan te c'ulejalil, mayuc bin ora ya yal te tiq'uix a. Ha nix hich tojol nax.

Eclesiastés 6:2

Ay mach'atic ya x'a'bot yu'un Dios c'ulejalil, biluquetic soc te ya x'ich'ot ta muc', mayuc falta yu'un spisil bintic ya sc'an yo'tan, pero ma x'a'bot te ya smulan te bintic ay yu'une, yantic mach'atic ya smulanic. Ha tojol nax, soc c'ax chopol.

Eclesiastés 9:6

Ch'ayemiquix te sc'uxul yo'tanic, te yil-o'tantaywanejic soc te bin xbiq'uet ta yo'tanic; ma xyaq'uix sbahic a te bin ya yich' pasel ta ye'tal ch'ulchan.

Eclesiastés 2:1

Hich la jcal ta co'tan: Conic, ya jtsajat quil ta scuenta spasel te bintic ya smulan co'tan, yac awa'iy te bintic lec, xchihon. Pero ha nix hich, tojol.

Eclesiastés 2:24

Mayuc bin yan xan lec ya spas te winic, ha nax te ya xwe' ya x'uch' soc te ya ya'iybe yutsil te ya'tele. Quiloj te ha nix talem ta stojol Dios ini.

Eclesiastés 5:17

Soc te jayeb c'ahc'al cuxul ya xwe' ta yihc'al q'uinal, soc bayel swocol, ay schamel soc xut'xon q'uinal ya ya'iy.

Eclesiastés 8:15

Ha yu'un ya cal te ha lec te yutsil-o'tanil, como mayuc bin lec xan ya spas te winic ta ye'tal ch'ulchan, ha te ya xwe' ya x'uch' soc te ay yutsil q'uinal ya ya'iy. Ha ya xjoquinot yu'un te jayeb c'ahc'al te scuxlejal ta ye'tal ch'ulchan te ya x'a'bot yu'un te Diose.