Eclesiastés 12:7 - Bible in Tzeltal Bachajón

⁷ o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Bible in Tzeltal de Oxchuc y Tenejapa

⁷ Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 12:7 Referans Kwoze

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Salmos 146:4

Te c'alal ya xloc' sch'uhlel, ya suht ta ts'ubil lum; ha nix yorahil a ya xch'ay te bintic snopojique.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

Génesis 3:19

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Isaías 57:16

Como ma spisiluc ora ya jtij ta c'op, ma spisiluc ora ya x'ilinon, yu'un ya xlaj yip yo'tanic ta jtojol te hichuque, te sch'uhlelic te jpasoje.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Salmos 90:3

Yac awac' suhtuc ta ts'ubil lum te ants-winiquetic, hich yac awal: Sutp'ijanic ta ts'ubil lum, yal-snich'nabex ants-winiquetic, xchihat.

Job 20:11

Aunque ay to yip sbaq'uetal hich te bin ut'il querem, ha ya xco bahel soc ta ts'u'lum.

Números 27:16

Jehová, Diosat yu'un scuxlejal spisil bintic cuxajtic, tsaha jtuhluc winic te ya scuentahin te pueblo,

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

Hebreos 12:9

La jquich'tic tojobtesel yu'un te jtatic ta bahlumilal, soc la jquich'tic ta cuenta. ¿Bin yu'un ma ba c'ax hich ya quich'tic ta cuenta a te Jtatic ay ta ch'ulchan, te hich ya xcuxajotic ahe?

Jeremías 38:16

Pero te ajwalil Sedequías muquen la yal ta jamal ta stojol Jeremías: ¡Yiloj Jehová te la ya'botic jcuxlejaltic, ma ba ya jmilat soc ma ba ya cac'at ta sc'abic te winiquetic te ya slehbelat acuxlejal! xchi.

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Job 7:21

¿Bin yu'un ma ba yac atup'bon te jc'axun-c'op soc yac apasbon perdón yu'un te jmule? Como yo'tic ya xwayon ta ts'u'lum; aunque yac alehon, ma ba cuxulonix a, xchi te Job.

San Lucas 23:46

Tulan awon te Jesús, hich la yal: Jtat, ya ca'bat ta ac'ab te jch'uhlele, xchi. Laj yalbel a, quehchaj yich'bel ic'.

Hechos 7:59

C'alal yacalic ta sch'ojel ta ton a, la sc'opon Dios te Esteban: Cajwal Jesús, ic'bon jch'uhlel, xchi.

Salmos 103:14

como ya sna' bin ut'il ayotic, ya sna' te ha ts'ubilumotic.

Salmos 104:29

Teme yac anac' asit awelaw ta stojolic, ya xiwic; teme yac apojbe te ic' yu'unic, ya xchamic, ya sutp'ijic ta ts'ubilum.

Salmos 31:6

Ya quihlay te mach'atic ha smuc'ulinej yo'tanic te loc'ombahetic te mayuc scuentahil; yan te ho'one, ha smuc'ulinej co'tan te Jehová.