Eclesiastés 12:5 - Bible in Tzeltal Bachajón

⁵ te c'alal ya xiw teme toyol ay, soc ay bin xiweltic sba ta be; te c'alal ya snichin te almendro, soc ayix yihcats ya ya'iy te c'ulub, soc ma sc'anix bintic mulambilixe; como te winic ya xbaht ta banti ya xnahin sbahtel q'uinal, soc ya sbehentayic te callehetic te mach'atic ya x'oq'uic;

Bible in Tzeltal de Oxchuc y Tenejapa

⁵ Ya me xiwat te ya xbeenat ta banti toyol, soc ay me xiwel ya awaiy te ya xbeenat ta bebetic. Ya me xjajch' ta sacubel te ajole. Ya xlaj yip te abaq'uetale, soc ma xtuun awu'un te poxile te ya yac' xan sbujts' q'uinal ya awaiy yu'une. Melel ya sta yorail te ya xbaat ta muquenal; ta calle ya me xchicnaj yoq'uel te mach'atic ya yoq'uetayate.

Eclesiastés 12:5 Referans Kwoze

Job 17:13

¿Bin yan ya jmahliy? ha jna te stsobojibal mach'atic chamenic, ya jpas jwayib ta yihc'al q'uinal.

Job 30:23

Ya jna' te yac awac'on bahel ta lajel, ta na banti ya xbaht spisil mach'atic cuxajtic.

Proverbios 16:31

Te mach'a saquix sjol ha scorona te ich'el ta muc'; ay ta tahel ta scuenta spasel te bin toj.

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Job 15:10

Ay ta cohlilcotic winiquetic te saquix sjolic soc te mero mamaliquix, c'ax hich ya'bilalic a te bin ut'il te atate.

Levítico 19:32

Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

Hebreos 9:27

Jmehl nax ya xchamic ants-winiquetic, patil ay ich'el ta c'op,

Jeremías 1:11

Tal sc'op Jehová ta jtojol, hich la yal: Jeremías, ¿bin yac awil? xchi. Ya quil sc'ab almendro, xchihon.

Isaías 46:4

Ha to c'alal ya xmamalubex, stalel ayon, ha to c'alal ya sacub ajolic ya ca'beyex awipic. Ho'on la jpasex soc ya jcuchex bahel, ya ca'beyex awipic soc ya caq'uex ta libre.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Proverbios 20:29

Te yutsilal te queremetic, ha te yipic, te st'ujbilal te mamaletic, ha te sacal sjolic.

Génesis 44:31

teme ma ba ya yil te quereme, ya me xcham yu'un. Ha ta scuenta te a'batetic awu'un ya xco bahel soc sacal sjol soc mel-o'tan te jtatcotic ta yawil chamen winiquetic.

Génesis 44:29

Teme yac apojbonic bahel te jtuhl xane, teme ay ya sta uts'inel, ta acuentahic ya xcohon bahel soc sacal jol soc mel-o'tan ta yawil chamen winiquetic, xchi.

Génesis 42:38

Pero hich la yal te state: Ma ba ya ca'bat bahel te jnich'ane; lajemix te sbanquile, stuquel xanix hilem. Teme ya sta uts'inel ta be ta banti ya xbahex, ta acuentahic ya xcohon bahel soc sacal jol soc mel-o'tan ta yawil chamen winiquetic, xchi.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.