Eclesiastés 12:2 - Bible in Tzeltal Bachajón

² te c'alal ma to ba ihc'uben a te c'ahc'al soc te sacal q'uinal, te u soc te eq'uetic, soc te ya suht tal te tocal te c'alal c'axix a te ha'ale;

Bible in Tzeltal de Oxchuc y Tenejapa

² Pasbeya yat'el Dios ta ora yo'tic, c'alal ma to xtup' ta asit te xojobil te c'aal, te u, soc te eq'uetique, soc te c'alal ma to stsob sba te awocole.

Eclesiastés 12:2 Referans Kwoze

Isaías 5:30

Ta hich ora ya x'awonic ta stojol hich te bin ut'il sc'op te mar. Ya yilic te lumq'uinal, ya me yilic yihc'al q'uinal soc wocol, ya x'ihc'ub te sacal q'uinal yu'un te tocale.

1 Samuel 4:18

Te c'alal la sta ta halel te scaxahul te chapbil-c'op yu'un Dios, te Elí jawts'uj cohel ta shuctajib ta ti' puerta, wac' snuc', hich cham, como mamalix soc bayel yalal. Ha juez ta Israel cha'winic (40) ha'bil.

1 Samuel 4:15

Ayix waxaclajuneb yo'winic (98) ya'bilal a te Elí, macal sit, ma xyilix q'uinal.

Salmos 77:16

Dios cu'un, la yilat te ha'etic, la yilat te ha'etic, xiwic yu'un; hahch ta nihquel te sc'ubulile.

Salmos 71:20

Aunque awa'beyejon quil bayel jwocol soc bintic chopol, yac awa'bon xan jcuxlejal, yac acha'hachon xan tal ta sc'ubulil te q'uinale.

Salmos 42:7

Ya sjac' sba ta a'iyel ta sc'ubulil ch'entiquil te stulanil sc'op te swihlib ha'etic awu'une; spisil te tulan stselajan ha' awu'un c'axemiquix ta jba.

1 Samuel 3:2

Jun buelta te Elí metsel ta stsalul sna, yaquix ta maquel sit a, ma ba ya yilix q'uinal ta lec.

Génesis 48:10

Te Israel ma ba lequix sit ta scaj te mamalix, ma ba la yilix q'uinal. Hich te José la yac' nohpojuc tal ta stojol, te Israel la yuts'ulan soc la smech'ticlan.

Génesis 27:1

Te c'alal mamalix a te Isaac soc te ma xyilix q'uinal yu'un bohlobenix te site, la sticon ta iq'uel te Esaú te sba-nich'an, hich la yalbe: Jnich'an, xchi. Li' ayoni, xchi te Esaú.

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

Salmos 90:10

Lajuneb schanwinic (70) ha'bil te ca'bilalcotic; teme ay yip, ya sta chanwinic (80) ha'bil; pero ta spisil ha nax ay wocol soc a'tel, como ora ya xc'axic, hich ya xwihlotcotic bahel.

Isaías 13:10

Te eq'uetic soc te xana-eq'uetic ta ch'ulchan ma ba ya yac' sc'ahc'al; ya x'ihc'ub te c'ahc'al te c'alal ya xloc' tal, soc te u ma ba ya yac' sts'anabul.

Joel 3:15

Ya x'ihc'ub te c'ahc'al soc te u, ya xtup' sts'anabul te eq'uetique.