Eclesiastés 12:11 - Bible in Tzeltal Bachajón

¹¹ Te c'opetic yu'un te mach'atic ay sp'ijil yo'tanic hich c'ohemic te bin ut'il ch'ix, te tsobil c'opetic hich c'ohemic te bin ut'il clavohetic te bajticlambilic ta lec, te la yich'ic halel yu'un jtuhl jcananchij.

Bible in Tzeltal de Oxchuc y Tenejapa

¹¹ Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.

Eclesiastés 12:11 Referans Kwoze

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Hechos 2:37

C'alal hich la ya'iyic, toj smelbel yo'tanic yu'un; hich la sjoc'obeyic te Pedro soc te yantic jpuc-c'opetic: Quermanotac, ¿bin ya sc'an ya jpascotic? xchihic.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Jeremías 23:29

¿Ma bal pajaluc soc c'ahc' te jc'ope, xchi te Jehová, soc ma bal pajaluc soc martillo te ya swuy te tone?

2 Corintios 10:4

como te a'tejibaletic cu'untic yu'un yaq'uel guerra ma scuentahuc ch'ich'-baq'uet, ha a'tejibaletic te yich'beyej yu'el Dios yu'un sjinel te bintic ay yip;

San Juan 3:10

Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Proverbios 22:17

Ts'ehana achiquin, a'iybeya awa'iy sc'opic te mach'atic ay sp'ijilic; ac'a ta awo'tan te bin ya ca'bat anop,

Proverbios 1:6

yu'un sna'beyel scuentahil tsahbil c'opetic soc sloc'omba c'op, te c'opetic yu'un p'ijil winic soc te bin chuhcul ta na'beyel suhtibe.

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Isaías 22:23

Ya jts'ap hich te bin ut'il clavo ta tulan yawil, soc ha huctajibal te ay ta ich'el ta muc' ya xc'oht yu'un te sna te state.

Salmos 80:1

Jcananat yu'un Israel, a'iya me awa'iy; ha'at te yac awic' bahel te José hich te bin ut'il jchahp tuminchijetic; ha'at te huculat ta yohlil te querubinetic, sacubtesa q'uinal.

Salmos 23:1

Te Jehová ha jcanan cu'un, te tuminchijon yu'une, mayuc bin ya spason falta.

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

Esdras 9:8

Pero yo'tic, ta jts'ihn nax, la ya'botic quilcotic te sc'uxul yo'tan te Jehová te Dios cu'untic, soc la yac' te ay mach'atic ay cu'uncotic te hilemic ta libre soc la yac' te ay jun lugar ta ch'ul awilal yu'un te banti jun co'tancotic ya xhu' ya xnahinotcotic. Hich te Dios cu'uncotic la yac' sacubuc q'uinal ta jsitcotic soc la yac' jcux co'tancotic jts'ihnuc yu'un te mosohinel cu'uncotic.

Génesis 49:24

pero ma ba laj yip te st'ihmalte' stuquel, la yich' yip te sc'ab ta scuenta sc'ab te Mach'a ay yu'el yu'un Jacob, ta scuenta te Jcanan-tuminchij, te Muc'ul ton yu'un Israel,

Eclesiastés 7:5

Ha lec xan a te yac awa'iy te tsitsel yu'un te mach'a ay sp'ijil yo'tan, te bin ut'il yac awa'iybe te c'ayoj yu'un te mach'a ma sna' q'uinale.

Eclesiastés 10:12

Ay yutsil te c'op ya xloc' ta ye te mach'a ay sp'ijil yo'tan, yan te sc'op te mach'a ma sna' q'uinal ha nix ya xjihnot yu'un.

Proverbios 10:21

Te ye te mach'a toj yo'tan, ya smac'lin tsobolic, yan te mach'atic ma sna'ic q'uinal, ya xchamic ta scaj te mayuc bin ya sna'ic stuquel.