Eclesiastés 11:5 - Bible in Tzeltal Bachajón

⁵ Hich te bin ut'il ma ba yac ana' te be yu'un te iq'ue, o bin ut'il ya xchapaj ta sch'uht snan te alale, ha nix hich ma xhu' awu'un sna'el te bin ya spas te Diose, ha te mach'a la spas spisil bintic ay.

Bible in Tzeltal de Oxchuc y Tenejapa

⁵ Jich te bit'il ma ba ya ana' banti ya xbajt' te iq'ue, soc jich te bit'il ma ba ya ana' bit'il ya xchajbaj ta xch'ujt' sme' te alale, ja' nix jich ma xju' awu'un sna'el te bila ya spas te Diose, ja' te mach'a la spas spisil te bitic aye.

Eclesiastés 11:5 Referans Kwoze

San Juan 3:8

Bayuc nax ya xbehen te ic', yac awa'iybe sc'op, pero ma xana' banti ya xtal soc banti ya xbaht. Hich ay spisil te mach'atic ayinemic ta scuenta te Espíritu, xchi.

Salmos 92:5

¡Mero muq'uic te a'teliletic awu'un, Jehová! ¡Mero c'ubul te bintic ay ta awo'tan!

Eclesiastés 8:17

la jquil spisil te ya'tel Dios, soc te winic ma xhu' ya sna'be scuentahil spisil te bintic ya xc'oht ta pasel ta ye'tal ch'ulchan. Aunque bayel ya sle, ma xhu' ya sna'be scuentahil. Te mach'a ay sp'ijil yo'tan, aunque ya yal te ya sna'e, ma xhu' ya sna'be scuentahil.

Romanos 11:33

¡C'ax c'ubul ay te yutsil sp'ijil soc te bin ay ta na'el yu'un Dios! ¡Ma xhu' ta na'el te chahpanel yu'un soc ma xhu' ta na'el te behetic yu'une!

Isaías 40:28

¿Ma bal ana'ojicuc, ma bal ayuc awa'iyejic te Jehová, ha Dios te sbahtel q'uinal ay, te la schicnajtes swohlol te bahlumilal? Ma xluhb soc ma xpehc'aj yip, mayuc mach'a ya xhu' sna'bel te bin ya sna'e.

Salmos 104:24

¡C'ax bayel bintic apasoj, Jehová! La apasticlan spisil ta scuenta sp'ijil awo'tan; nojel ta lumq'uinal te bintic apasoje.

Eclesiastés 7:24

Namal ay te bin c'axemix, soc mero chuhcul ta na'el, ¿mach'a ya xhu' ya sta?

Salmos 40:5

Jehová, Dios cu'un, bayel bintic jelawen yutsil apasoj. Te bintic anopoj ta jtojolcotic ma xhu' ta halel ta atojol; te yacuc calbe sc'oblal, ma xhu' ta ahtayel.

Job 38:4

¿Banti ayat a te c'alal la jpas te yich'o-ip te bahlumilal? ¡Halbon ca'iy, teme ay ap'ijile!

Job 37:23

Ha te Mach'a spisil ya xhu' yu'un, te ma xhu' cu'untic stahel, ha muc' te yu'el soc toj ya xchahpanwan, toj bin ya spas, mayuc mach'a ya yuts'in.

Job 5:9

Ha ya spas muc' a'teliletic te ma xhu' ta na'beyel scuentahil, soc yutsil a'teliletic te ma xhu' ta ahtayel.

Eclesiastés 1:6

Te ic' ya shu'xiyot bahel ta sur, soc ya suht sba ta stojol norte; xjoyet ya xbehen, ya xcha'suht xan banti hahch tal.

Eclesiastés 1:13

La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Eclesiastés 3:10

Quiloj te a'tel ya x'a'bot yu'un Dios te yal-snich'nab ants-winiquetic yu'un ya yo'tantayic spasel.

Eclesiastés 3:11

Dios t'ujbil spasoj spisil ta yorahil; soc la ya'be sna' ta yo'tan te ants-winiquetic te bintic scuenta sbahtel q'uinal, aunque ma xhu' yu'unic sna'el te bin spasoj Dios c'alal shahchibal ha to ta slajibal.

Eclesiastés 11:4

Te mach'a ya stsahtay yil te iq'ue, ma ba ya ya'iy ts'umbajel, soc te mach'a ya yil te tocaletic, mayuc bin ora ya stsob te sit awal-ts'unubile.