Eclesiastés 11:2 - Bible in Tzeltal Bachajón

² Pucticlana ta hucwohc', o ta waxacwohc' te bintic ay awu'un, como ma na'biluc awu'un bin wocolil ya xtal ta q'uinal.

Bible in Tzeltal de Oxchuc y Tenejapa

² Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

Eclesiastés 11:2 Referans Kwoze

Proverbios 6:16

Ay waqueb te bin ya sp'aj te Jehová, huqueb te bin ya yihlay:

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Hebreos 13:3

Na'ahic me te mach'atic ayic ta chuquel, hichuc me ta awo'tanic te bin ut'il pajal ayex ta chuquel soc; soc na'ahic me te mach'atic ayic ta uts'inel, hichuc me xawa'iyic te bin ut'il pajal yac awich'belic uts'inele.

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

Gálatas 6:1

Quermanotac, teme ay mach'a la sta smul, ha'ex te cuentahimbilex yu'un te Espíritu ya me acha'sutic xan tal soc slamalil awo'tanic, pero ya me atsahtay aba, te manchuc ha'at nix yac atahic sujel ta mulil.

San Lucas 17:4

Teme huqueb buelta ta jun c'ahc'al ya sta smul ta atojol, pero teme huqueb buelta ya xtal ta atojol soc ya yal: Ya jsuhtes co'tan, teme xchihe, pasbeya perdón.

San Mateo 18:22

Halbot yu'un te Jesús: Ma ba ya calbat te ha nax huqueb buelta, ha to huqueb buelta ta lajlajuneb schanwinic (70), xchi.

San Mateo 5:42

Te mach'a ay bin ya sc'ambat, a'beya; soc te mach'a ay bin ya smajambat, ma me xamac ta c'op.

Miqueas 5:5

ha lamal q'uinal cu'untic ya xc'oht. C'alal ya xtal te asiriahetic ta jq'uinaltic soc ya x'ochic ta t'ujbil muc'ul nahetic cu'untic, ya jticontic bahel huctuhl jcananetic soc waxactuhl príncipaletic te ya scontrahinic,

Ester 9:22

como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

Ester 9:19

Ha scuentahil te judiohetic te ayic ta tut pueblohetic te mayuc sts'ahcul ya spasic q'uin soc yutsil yo'tanic ta schanlajunebal (14) c'ahc'al ta u Adar, soc talel c'axel ya ya'be sbahic smahtanic.

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Eclesiastés 11:3

Teme ay bayel ya'lel te tocale, ya smal cohel ya'lel ta lumq'uinal. Teme ya xbuch bahel ta sur o ta norte te te'e, ta banti ya xbuch bahel tey ya xhil a.

Eclesiastés 11:8

Aunque ay mach'a bayel ha'bil ya xcuxaj soc tse'el yo'tan yu'un spisilic, ac'a sna' te ay bayel c'ahc'al te yihc'al q'uinal, soc spisil te bintic quechel ta talele, tojol nax.

Eclesiastés 12:1

Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

1 Samuel 25:8

Joc'obeya te a'batetic awu'un, hich me ya yalbat. Ha yu'un lecuc me sc'oblalic awu'un te jcolel winiquetic cu'un ini como talemotcotic ta yorahil q'uin. Awocoluc, a'beya te a'batetic awu'un soc te anich'an David biluc a te ay awu'un, xchi.