Eclesiastés 11:10 - Bible in Tzeltal Bachajón

¹⁰ Ha yu'un loq'uesa ta awo'tan te ilimba soc loq'uesa ta atojol te bin chopole, como te awach'ix-queremil tojol nax.

Bible in Tzeltal de Oxchuc y Tenejapa

¹⁰ Loq'uesa ta ajol te bitic ya yac' mel-o'tane, soc ch'oja loq'uel te chujc'ul c'opetique. Melel te yutsilal te ach'iele, c'axel nax ay, mero tojol ta jyalel.

Eclesiastés 11:10 Referans Kwoze

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

2 Timoteo 2:22

Ahnan loq'uel ta stojol te bin ya smulan spasel sbaq'uetal te ach'ix-queremetic, t'una te bin stojil ta pasel, te sch'uhunel-o'tanil, sc'uxul-o'tanil soc lamal q'uinal, ha xat'un soc te mach'atic pocbil yo'tanic a ya yalbeyic wocol te Cajwaltique.

Eclesiastés 12:1

Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Eclesiastés 1:2

Tojol, tojol, xchi te Jp'ijubteswanej. Mero tojol, tojol ta spisil, xchi.

Salmos 39:5

Com nax awac'oj te jayeb c'ahc'al cuxulon, ma ba naht c'ohem ta atojol te jcuxlejale; melel te scuxlejal spisil ants-winiquetic hich nax ay te bin ut'il jahc' ta o'tanil. Selah

Job 20:11

Aunque ay to yip sbaq'uetal hich te bin ut'il querem, ha ya xco bahel soc ta ts'u'lum.

Job 13:26

Yac ats'ihbay ta jcontra te xut'ul q'uinal ya ca'iy, soc yac apasbon ta jcuenta te muliletic cu'un c'alal queremon to a.

Salmos 25:7

Ma me xana'bonix te muliletic cu'un c'alal queremon to a, soc te toybahil cu'une. Hich te bin ut'il ay sc'uxul awo'tan, na'awon, Jehová, ta scuenta yutsil awo'tan.

Proverbios 22:15

Te sonsohil ay ta yo'tan te ach'ix-querem, ta scuenta majel ta xul ya x'ihquitayot hilel yu'un.

Job 11:12

Ya me sta sp'ijil yo'tan te sonso winic te bin ora te ha'mal burra ya yayintes jtuhl winic.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.