Eclesiastés 10:4 - Bible in Tzeltal Bachajón

⁴ Teme ya x'ilin ta atojol te ajwalil, ma me xawihquitay te alugare; como te lamal-o'tanil ya slajin te bintic muc' te ma stojiluque.

Bible in Tzeltal de Oxchuc y Tenejapa

⁴ Teme ya x'ilin ta atojol te mach'a ochem ta ajwalil, ma me ja'uc xawijq'uitay awat'el yu'un; melel ja' poxil c'oem yu'un te mach'a ya sta falta, te lamal awo'tan ya awac' aba ta stojol.

Eclesiastés 10:4 Referans Kwoze

Eclesiastés 8:3

Ma me orahuc ya xloc'at bahel ta stojol te ajwalile. Soc ma me junuc xawac' aba soc te bin chopol ay ta pasel, como te ajwalil ya spas spisil bin ya sc'an yo'tan stuquel.

Proverbios 25:15

Ta scuenta hal smahliyel ya xc'oht ta yo'tan te príncipal, como te lamal c'op ya xhu' ya swuy te baquetique.

Proverbios 15:18

Te c'ahc'al winic ya shach c'op, yan te mach'a ma ba ya x'ilin ta ora ya slahmajtes c'op.

Eclesiastés 10:5

Ay bin chopol te quiloj ta ye'tal ch'ulchan, ha te bin ma stojiluc te hahchem ta stojol te ajwalil: