Eclesiastés 10:16 - Bible in Tzeltal Bachajón

¹⁶ ¡Ay awocol, ha'at nación, teme querem te ajwalil awu'un, soc teme te príncipaletic awu'un ya xhahch spasic q'uin ta sahb!

Bible in Tzeltal de Oxchuc y Tenejapa

¹⁶ Ay me swocol te nación teme ch'in querem ochem ta muc' ajwalil yu'une, soc teme yacal ta pas-q'uin a ya sacub q'uinal yu'un te ajwaliletique.

Eclesiastés 10:16 Referans Kwoze

Isaías 3:12

Ha queremetic te ya yuts'inic te pueblo cu'un, ya xcuentahinotic yu'un antsetic. Pueblo cu'un, ya slo'loyex te mach'atic ya stojobtesex bahel, ya syanijtesbeyex te behetic awu'unique.

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

2 Crónicas 13:7

Joquinot yu'un chopol winiquetic te c'ax hich hu' yu'unic a te bin ut'il te Roboam snich'an Salomón, como te Roboam querem to soc mayuc lec yip yo'tan, ma ba hu' yu'un ya scoltay sba ta stojolic.

2 Crónicas 36:9

Te Joaquín ay waxaqueb ya'bilal a te c'alal och ta ajwalil; oxeb u soc lajuneb c'ahc'al ay ta ajwalil ta Jerusalén. Chopol bin la spas ta stojol Jehová.

2 Crónicas 36:5

Te Joacim ay ho'eb scha'winic (25) ya'bilal a te c'alal och ta ajwalil; buhlucheb (11) ha'bil ay ta ajwalil ta Jerusalén. Chopol bin la spas ta stojol Jehová te Dios yu'une.

2 Crónicas 36:2

Te Joacaz ay oxeb scha'winic (23) ya'bilal a te c'alal och ta ajwalil; oxeb u ay ta ajwalil ta Jerusalén.

2 Crónicas 36:11

Te Sedequías ay jun scha'winic (21) ya'bilal a te c'alal och ta ajwalil; bulucheb (11) ha'bil ay ta ajwalil ta Jerusalén.

Proverbios 28:16

Te ajwalil te ma sna' q'uinal ya yac' bayel uts'inel; yan te mach'a ya sp'aj te bin ma stojiluc ta tahel, ya xnahtij scuxlejal.

Eclesiastés 10:15

Te mach'a ma sna' q'uinal hich ya xluhb yu'un te ya'tel te ma xtojob bahel ta pueblo.

1 Reyes 12:11

La ya'beyex al ihcatsil te jtate, ho'on ya jtohytesbeyex xan yalal. Te jtat la smajex ta nuhcul, ho'on ya jmajex ta tsec, xchihat me, xchihic.