Eclesiastés 10:11 - Bible in Tzeltal Bachajón

¹¹ Teme nahil ya xti'awan te chan te ma to ba mombil a, tojol te mach'a ya xmonawan.

Bible in Tzeltal de Oxchuc y Tenejapa

¹¹ ¿Bistuc ya yich' monel chan teme ti'awanixe? Tojol xanix ya yich' monel.

Eclesiastés 10:11 Referans Kwoze

Jeremías 8:17

Ilawil, ya jticon tal ta atojolic ti'awal chanetic, chanetic te ma xhu' ta monel, ya me sti'ex, xchi te Jehová.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

Salmos 64:3

te ya shuxbe ye te yaq'uic hich te bin ut'il espada, soc ya st'imic bahel sc'opic te ay svenenohil hich te bin ut'il ya'tejibal t'ihmalte',

Salmos 52:2

Te awac' ha nax ya yal te bin chopol; ya xlo'loywan hich te bin ut'il navaja te huxbil ye.

Santiago 3:8

pero mayuc mach'a ya xhu' yu'un ya sc'ahytes te yac', te ha chopol te ma xhu' ta comel, ha nojel ta svenenohil lajel.

Eclesiastés 10:10

Teme mayuc ye te yechej, teme ma ba ya yich' huxel, ya sc'an te tulan xan ya yich' jimel; ha lec te ya yich' tuhunel te p'ijil-o'tanile.

Salmos 58:6

Dios cu'un, wac'beya te sbaquel yehic; Jehová, wac'beya te scha'am te chojetique.