Eclesiastés 10:10 - Bible in Tzeltal Bachajón

¹⁰ Teme mayuc ye te yechej, teme ma ba ya yich' huxel, ya sc'an te tulan xan ya yich' jimel; ha lec te ya yich' tuhunel te p'ijil-o'tanile.

Bible in Tzeltal de Oxchuc y Tenejapa

¹⁰ Teme ya xlaj ye te yecheje, teme ma ba ya sjuxe, mero tulan ya sc'anix jimel. Te bitic ya yich' pasel, ja' lec teme buen lec ya yich' pasele, soc ja' lec teme soc p'ijilil ya yich' pasele.

Eclesiastés 10:10 Referans Kwoze

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.

Colosenses 4:5

P'ijanic me bin ut'il ya x'ayinex soc te mach'atic ma ba sch'uhunejic te Cristo, ayuc me scuentahil bin ut'il ya xc'ax c'ahc'al awu'unic ta stojolic.

Eclesiastés 10:15

Te mach'a ma sna' q'uinal hich ya xluhb yu'un te ya'tel te ma xtojob bahel ta pueblo.

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

1 Reyes 3:9

A'beya sp'ijil yo'tan te a'bat awu'un scuenta schahpanel te pueblo awu'un soc ta stsahtayel te bin lec soc te bin ma lecuque. Como ¿mach'a ya xhu' yu'un scuentahimbel te muc'ul pueblo awu'un ini? xchi.

Romanos 16:19

Puhquem ac'oblalic ta bayuc te yac ach'uhunic mandar, ha yu'un tse'el co'tan awu'unic. Pero ya jc'an te ay sp'ijil awo'tanic ta spasel te bin lec, te ma xana'ic spasel te bin ma lecuque.

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

1 Crónicas 12:32

Te sts'umbal Isacar, lajunwinic (200) ta tuhl príncipaletic te ya sna'ic stsahtaybeyel yorahil soc ya sna'ic bin ya sc'an ya spas te Israel, spisil te yermanotac ch'uhumbil mandar yu'unic.

Deuteronomio 32:41

Te c'alal ya juxbe ye te espada cu'un te mero xlipet soc te ya xhahchon ta stojil chahpanwanej, ya me ca'be spacol te jcontra, soc ya ca'be stojic te mach'atic ya yihlayonique.

Eclesiastés 2:13

La jquil te c'ax hich lec te p'ijil-o'tanil te bin ut'il te sonsohil, hich te bin ut'il c'ax lec te sacal q'uinal te bin ut'il te yihc'al q'uinale.

Eclesiastés 10:9

Te mach'a ya swaluy ton, ya me x'ehchentesot yu'un. Te mach'a ya xot' si', ya xlajinot yu'un.

Eclesiastés 10:11

Teme nahil ya xti'awan te chan te ma to ba mombil a, tojol te mach'a ya xmonawan.

Eclesiastés 9:18

Ha lec xan te p'ijil-o'tanil te bin ut'il te a'tejibaletic yu'un guerra; pero jtuhl jmulawil ya sjin bayel bintic lec.