Eclesiastés 1:15 - Bible in Tzeltal Bachajón

¹⁵ Te bin ts'otol ma xhu' ta tojobtesel; te bin ma ts'acaluc ma xhu' ta ahtayel.

Bible in Tzeltal de Oxchuc y Tenejapa

¹⁵ Ma xju' ta tojtesel te bitic coxole, ma xju' ya awajtay te binti ma'yuc awu'une.

Eclesiastés 1:15 Referans Kwoze

Isaías 40:4

Ac'a yich' hachel mohel spisil sjuclejetic soc ac'a cohuc bahel spisil witsiltic soc tsehletic; te banti lomajtic ac'a yich' but'el, te chuhcul q'uinal ac'a yich' pahmanel.

Eclesiastés 3:14

Jna'oj te spisil bintic ya spas te Diose, stalel ay: Mayuc bin yan ay ta otsesel soc mayuc bin ay ta loq'uesel a. Dios hich ya spas scuenta yu'un ya x'ich'ot ta muc' yu'un te ants-winiquetique.

San Mateo 6:27

¿Mach'ahex a te ya xhu' awu'unic te yac anahtubtes aba junuc jxuhc'ubil ta scuenta bayel bintic ya xbaht ta awo'tanic sna'ulanel?

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Job 11:6

soc ya yalbat bintic muquen ay yu'un te p'ijil-o'tanil, te wocol ta na'beyel scuentahil! Hich yac ana' a te ma hichuc la ya'bat castigo te Dios te bin ut'il ya sc'an te amule.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Eclesiastés 7:25

Ha yu'un la jcac' co'tan ta sna'beyel scuentahil, ta stsahtayel soc ta slehel te p'ijil-o'tanil soc te bin ut'il ay spisil, soc ta sna'beyel schopolil te sonsohil soc te ya xhowiyteswan te sohquejolalile.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?