Daniel 9:9 - Bible in Tzeltal Bachajón

⁹ Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Bible in Tzeltal de Oxchuc y Tenejapa

⁹ Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Daniel 9:9 Referans Kwoze

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Daniel 9:5

La jta jmulcotic, la jpascotic te bintic chopol, la jpascotic te bin ma lecuc, la jtoy jbahcotic soc la jquihquitaycotic hilel te mandariletic awu'un soc te bin awaloj ta mandar.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Salmos 130:7

Israel, ac'a smuc'ulin awo'tan te Jehová, como ay c'uxultayel yu'un, soc jc'axel ya x'ac'awan ta libre stuquel.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Salmos 130:4

Pero ay perdón ta atojol, scuenta yu'un ya x'ich'otat ta muc'.

Salmos 62:12

soc ha'at awu'un, Cajwal, te c'uxultaywanej. Ta jujutuhl yac awa'be stojol sc'abic, ha chican bin yilel te ya'telique. Salmo yu'un David te c'alal ay ta jochol taquin q'uinal yu'un Judá.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Isaías 63:7

Ya calbe sc'oblal te sc'uxul yo'tan te Jehová, te yutsil sc'oblal te Jehová yu'un spisil bintic spasoj ta jtojoltic, te bintic bayel lec la spasbe te mach'atic yu'un Israel, te spasoj ta scuenta sna'beyel yo'bolil sbahic soc te smuc'ul sc'uxul yo'tane.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Nehemías 9:31

Pero ta scuenta te sc'uxul awo'tan ma ba jc'axel la alajin, soc ma ba la apihtes; como ha'at, Diosat te yac ana'be yo'bolil sba soc te ay sc'uxul awo'tane.

1 Reyes 8:30

A'iybeya awa'iy te sc'op te a'bat awu'un soc te sc'op te pueblo Israel awu'un. C'alal ya sc'oponat ta lugar ini, a'iybeya sc'opic c'alal banti nahinemat ta ch'ulchan. A'iybeya soc pasbeya perdón.

Daniel 9:6

Ma ba la jquich'cotic ta cuenta te jalwanejetic te a'batetic awu'un te c'opojic ta scuenta abihil ta stojol te ajwaliletic, te príncipaletic, jme'jtatcotic soc spisil te pueblo yu'un te q'uinale.

Daniel 9:8

Jehová, ha cu'uncotic te q'uexlal soc yu'un te ajwaliletic soc príncipaletic cu'uncotic soc te jme'jtatcotic, yu'un la jta jmulcotic ta atojol.

2 Samuel 24:14

Te David hich la yalbe te Gad: Mero ayon ta wocol ya ca'iy. Ac'a ochucotic ta sc'ab te Jehová como bayel sc'uxul yo'tan stuquel, manchuc ya x'ochotic ta sc'ab winiquetic, xchi.