Daniel 9:8 - Bible in Tzeltal Bachajón

⁸ Jehová, ha cu'uncotic te q'uexlal soc yu'un te ajwaliletic soc príncipaletic cu'uncotic soc te jme'jtatcotic, yu'un la jta jmulcotic ta atojol.

Bible in Tzeltal de Oxchuc y Tenejapa

⁸ Cajwal, jo'otic, soc ja'ic nix te muc' ajwaliletic, te jwentainwanejetic, soc te antiguo jts'umbaltic, ya xtal q'uexlal ta jtojoltic, yu'un te la jta jmultic ta atojole.

Daniel 9:8 Referans Kwoze

Lamentaciones 3:42

La jle jmulcotic soc jtoyoj jbahcotic ta atojol, ma ba la apasbotcotic perdón.

Lamentaciones 1:18

Pero te Jehová toj yo'tan stuquel, como la jtoy jba ta stojol te sc'ope. A'iya awa'iy apisilic, pueblohetic, ilawilic te jwocole: Te queremetic soc te ach'ixetic cu'un, ic'otic bahel ta chuquel.

Jeremías 14:20

Jehová, jna'ojcotic te bin chopol jpasojcotic soc te smul te jme'jtatcotic, como jtahoj jmulcotic ta atojol.

Lamentaciones 5:16

Ch'ay cohel ta joltic te corona. ¡Obol jbahcotic como jtahoj jmulcotic!

Jeremías 32:32

ta scaj spisil bintic chopol la spasic te snich'nab Israel soc snich'nab Judá te la shachbonic quilimba a, ha te ajwaliletic, príncipaletic, sacerdotehetic, jalwanejetic yu'unic, spisil te winiquetic yu'un Judá soc te mach'atic nahinemic ta Jerusalén.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Daniel 9:9

Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

2 Reyes 21:15

ta scaj te bin chopol spasojic ta jtojol soc te la shachesbon quilimba, c'alal loq'uic tal ta Egipto te sme'static ha to c'alal ora, xchi te Jehová.

2 Crónicas 6:37

teme tey ta q'uinal ta banti ayic ta chuquel a ya suhtes yo'tanic, soc ya suhtic tal ta atojol soc ya sc'oponat tey ta sq'uinal te mach'atic ic'otic bahel ta chuquel yu'une, teme ya yalic: La jta jmulcotic, la jpascotic te bin chopol, ma lecuc te bin la jpascotic, teme xchihique,

Nehemías 1:6

ya calbat wocol te jamaluc asit soc yacuc awa'iybe sc'op te a'bat awu'un te yacon ta yalel ta atojol c'ahc'al ahc'abal ta scuenta te snich'nab Israel te a'batetic awu'une. Ya calbat ta jamal te smul te snich'nab Israel te jtahojcotic ta atojol; ho'on soc te sna te jtat la jtahcotic jmulcotic.

Isaías 64:4

Mayuc mach'a la ya'iy, mayuc banti a'iybil soc mayuc banti ilbil yan Dios te bin ut'il ha'at, te ya scoltay te mach'atic ya xmahliyot yu'une.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Ezequiel 5:6

Pero la stoy sbahic ta stojol te bintic halbil cu'un soc te mandariletic cu'une, c'ax hich schopolil a te bin ut'il te nacionetic soc te yantic pueblohetic ta sjoyobal; como la sp'ajbonic te bintic halbil cu'un soc te mandariletic cu'un, ma ba la st'unic.