Daniel 9:25 - Bible in Tzeltal Bachajón

²⁵ Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Bible in Tzeltal de Oxchuc y Tenejapa

²⁵ Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.

Daniel 9:25 Referans Kwoze

Esdras 4:24

Hich quehchaj te a'tel ta sna Dios te ay ta Jerusalén, ha to c'alal ta schebal ha'bil ya'tel ta ajwalil a te Darío ajwalil yu'un Persia.

San Juan 4:25

La yal te antse: Jna'oj te talel yac te Mesías, (ha te Cristo sbihil). Te c'alal ya xtal, ya me yalbotic ca'iytic spisil, xchi.

San Juan 1:41

Ha nahil c'oht sta te Simón te sbanquil, hich la yalbe: La jtahcotiquix te Mesías, xchi. (Ha Cristo, xchi te c'asesbile.)

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Daniel 9:23

Te c'alal hahchat ta yalbeyel wocol Dios chicnaj te suhtib, hich tal calbat awa'iy, como ha'at c'uxat ta o'tanil. Ha yu'un na'beya scuentahil te suhtib soc na'beya scuentahil te nahalsitile.

Daniel 8:25

Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Nehemías 6:15

Hich hu' ta pasel te ts'ahc ta ho'eb scha'winic (25) c'ahc'al ta u Elul, ha lahchayeb yoxwinic (52) c'ahc'al hu' te a'tele.

Nehemías 4:8

Spisilic junax la schap sc'opic ta yuts'inel soc ta ya'beyel guerra te Jerusalén.

Nehemías 3:1

Te muc'ul sacerdote Eliasib soc te yermanotac ta sacerdotehil la scha'pasic xan te Ochibal yu'un Tuminchijetic. La schahpanic soc la yotsesbeyic spuertahul; la scha'pasic c'alal ta ilo-q'uinal yu'un Ho'winic, c'oht c'alal ta ilo-q'uinal yu'un Hananeel.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Hechos 5:31

Dios la yaq'uix ta ich'el ta muc' ta swa'el-c'ab scuenta Jtsobaw soc Jcoltaywanej, scuenta yu'un ya ya'be suhtes yo'tan te Israel soc yu'un ya spasbe perdón yu'un smulic.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

San Marcos 13:14

Te c'alal yac awilic te bin ihlobtic sba te ya xjinawan te ay ta banti ma xhu' ya x'och sc'oblale, (te mach'a ya yil te hune, ac'a sna'be scuentahil), te mach'atic ayic ta sq'uinal Judea ac'a ahnuquic bahel ta witsiltic.

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

Daniel 8:11

Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Salmos 71:10

como te jcontratac ya xc'opojic ta jcontra, te mach'atic ya sc'an ya smilonic junax ya schap sc'opic.

Esdras 7:8

Te Esdras c'oht ta Jerusalén ta yo'ebal u ta shuquebal ha'bil yochel ta ajwalil a.

Esdras 7:1

Ta patil a ini, te c'alal ay ta ajwalil a te Artajerjes ajwalil yu'un Persia, te Esdras te patil al-nich'an yu'un ta cajalcaj sts'umbal te Seraías, Azarías, Hilcías,

2 Samuel 15:25

Pero te ajwalil hich la yalbe te Sadoc: Ich'a suhtel ta pueblo te scaxahul te chapbil-c'op yu'un Dios. Teme lecon ta sit te Jehová, ya me yac' te ya suhton tal soc ya quil yan buelta te scaxahul te chapbil-c'op soc te banti ya xnahine.

Efesios 5:16

na'ahic stuhunel ta lec te tiempo, como chopol te bin ya xc'oht ta pasel ta jujun c'ahc'al.

Hechos 8:30

Hich te Felipe ahnimal c'oht sta te carreta; la ya'iy yac ta yilel te shun jalwanej Isaías, hich la sjoc'obe: ¿Ya bal ana'be scuentahil te bin yac awilbel? xchi.

San Mateo 13:23

Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

Nehemías 4:2

Hich la yal ta stojol te smohloltac soc te soldadohetic yu'un Samaria: ¿Bin yac spasbelic te judiohetic te mayuc yipique? ¿Ya bal x'a'botic permiso te ya scha'aq'uic xan milbil mahtaniletic? ¿Ya bal xhu' yu'unic spasel ta junax c'ahc'al? ¿Ya bal yach'ubtesic te tonetic te busul stanul ta c'ahq'uel? xchi.

Eclesiastés 3:3

ay yorahil milaw, ay yorahil poxtayel; ay yorahil ta jinel, ay yorahil ta pasel;

Miqueas 5:1

Tsoba abahic ta yutil te ts'ahc, yal-snich'anat soldadohetic, como joytaybilotic ta guerra; ya smajbeyic scho' ta xul te jtsobaw yu'un Israel.