Daniel 9:12 - Bible in Tzeltal Bachajón

¹² Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Bible in Tzeltal de Oxchuc y Tenejapa

¹² Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Daniel 9:12 Referans Kwoze

Ezequiel 5:9

Ya jpas ta atojol te mayuc hich jpasoj soc mayuc bin ora ya jpas yan buelta, ta scaj spisil te bintic ilobtic sba awu'une.

Lamentaciones 1:12

¿Ma bal ayuc sc'oblal ta awo'tanic, ha'ex te ya xc'axex bahel ta be tey a? Ilawilic teme hich ay sc'uxul te bin ut'il te sc'uxul te tal ta jtojol; como te Jehová la ya'bon jwocol ta sc'ahc'alel yilimba.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Lamentaciones 2:17

Te Jehová la spas te bin snopoj ta yo'tan, la sc'ohtes ta pasel te sc'op te nameyix la schahpambe sc'oblale. La sjin, ma ba la sna' yo'bolil sbahic, la yac' te tse'el yo'tan ta atojol te acontra soc la stoybe yip te acontrataque.

Lamentaciones 2:13

¿Bin ya calbat ac'oblal? ¿Mach'a ya jpajat soc, yantsil-nich'anat Jerusalén? ¿Mach'a ya jpajat soc yu'un ya jmuc'ubtesbat awo'tan, yantsil-nich'anat Sión? Te ehchen awu'un hich smuc'ul te bin ut'il te mar, ¿mach'a ya xhu' ya slecubtesat?

Job 12:17

Ha ya swahtan te j'ac'-o'taniletic soc ya yac' sohcuc sjolic te juecetique.

Romanos 15:8

Ya calbeyex, te Cristo Jesús tal yac' sba ta a'batinel ta stojol mach'atic yich'ojic circuncisión yu'un ya yac' ta ilel te bin smelelil yu'un Dios, scuenta yu'un ya yac' c'ohtuc ta pasel te bin yaloj ta jamal ta stojol te me'iltatiletic,

San Lucas 21:22

como ha yorahil castigo scuenta yu'un hich ya xc'oht ta pasel spisil te bin ts'ihbabil hilel.

San Marcos 13:19

como mayuc hich wocol c'ohem ta pasel yalel c'alal pastay yu'un Dios te bahlumilal c'alal ora, soc mayuc hich ya xc'oht xan ta pasel.

San Mateo 24:21

como ya me xtal tulan wocol ta hich ora, te mayuc hich c'ohem ta pasel ta shachel to tal bahlumilal c'alal ora, soc mayuc hich ya xc'oht xan ta patil.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

Zacarías 1:8

La jquil nahalsitil ta ahc'abal: la jquil jtuhl winic cajal ta tsajal cawu, ay ta yohlil bic'tal te'etic ta jun sjuclej, ta spat ay cawuhetic te tsaj, ihc' ta tsaj, soc sac.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Joel 2:2

Ha sc'ahc'alel yihc'al q'uinal soc ahc'abal, sc'ahc'alel tocal soc spimil yihc'al q'uinal. Hich te bin ut'il ya slim bahel ta witsiltic te sacubel q'uinal, hich ya xtal jchahp soldadohetic te c'ax bayelic soc ay yipic; mayuc hich chicnajem ta ilel soc mayuc hich ya xchicnaj ta patil ta bayel ha'bil ta cajalcaj ts'umbalil.

Ezequiel 13:6

Yilojic lotil nahalsitil soc lotil jna'ojel. Hich ya yalic: Hich yaloj te Jehová, xchihic, pero ma ha'uc ticombilic yu'un Jehová. Pero yac smahliybelic te ya xc'oht ta pasel te bin ya yalique.

Lamentaciones 4:6

C'ax hich smul c'oht a te jlumal te bin ut'il te smul Sodoma, te ora nax jinot, aunque mayuc mach'a tal ta contrahinel yu'un.

Proverbios 8:16

Ho'on ta jcuenta te ya xcuentahinwanic príncipaletic, soc te ya ya'iyic chahpanwanej te gobernadoretique.

Salmos 148:11

te ajwaliletic ta bahlumilal soc spisil te pueblohetic, te príncipaletic soc jcuentahinwanejetic ta bahlumilal,

Salmos 2:10

Ha yu'un, ajwalilex, p'ijanic me; ich'ahic ta cuenta te tsitsel, jcuentahinwanejex ta q'uinal.

1 Reyes 3:9

A'beya sp'ijil yo'tan te a'bat awu'un scuenta schahpanel te pueblo awu'un soc ta stsahtayel te bin lec soc te bin ma lecuque. Como ¿mach'a ya xhu' yu'un scuentahimbel te muc'ul pueblo awu'un ini? xchi.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.

Jeremías 39:16

Bahan halbeya te Ebed-melec te etíope-winic: Hich yaloj te Jehová te scuentahinej spisil, te Dios yu'un Israel: Ya jc'ohtes ta pasel te bin caloj ta stojol te pueblo ini te bin chopol, ma ha'uc te bin leque. Ya xc'oht ta pasel ini ta stojol asit.

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Zacarías 7:12

La stulantesbe yo'tanic hich te bin ut'il diamante-ton scuenta yu'un ma ba ya ya'iyic te Ley soc te sc'op te Jehová te scuentahinej spisil te la sticon tal ta scuenta te espíritu yu'un, ta scuenta te nahil jalwanejetic yu'une. Ha yu'un bayel ilin te Jehová te scuentahinej spisil.

2 Reyes 22:16

Hich ya yal te Jehová: Ya cac' taluc ta stojol te lugar ini soc ta stojol te mach'atic nahinemic tey a spisil te wocol te ya yal te libro ini, te la yilix te ajwalil yu'un Judá,

Isaías 43:28

Ha yu'un la jbohlobtesbe sc'oblal te príncipaletic yu'un te templo, la jcac' te jc'axel ya xjihn te Jacob soc te ya yich' p'ajel te Israel.