Daniel 8:17 - Bible in Tzeltal Bachajón

¹⁷ Hich nohpoj tal ta banti ayon; c'alal tal, bayel xiwon, la jpahcan jba c'alal ta lum. Pero hich la yalbon: Snich'anat winic, na'a me te ha sc'oblal te slajibal c'ahc'al te nahalsit, xchi.

Bible in Tzeltal de Oxchuc y Tenejapa

¹⁷ Jich noptsaj tel ta jts'eel. Te jo'one tal xiwel ta co'tan yu'un. La jpajc'an jba coel ta lum, la cac'bey sta lum te jti'bae. Pero jich la yalbon stuquel: —Nich'anil, na'a me bi swentail te bila la awil ya awaiye, melel ja' in to, ja' ya yalbey sc'oplal te slajibal c'aale —xi'.

Daniel 8:17 Referans Kwoze

Daniel 8:19

Hich la yalbon: Ya calbat awa'iy te bin ya xc'oht ta pasel te c'alal c'axix a te ilimba; como ha sc'oblal te slajibal c'ahc'al.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

Daniel 12:13

Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

Daniel 11:40

C'alal ya xc'oht yorahil te slajibale, te ajwalil ta sur ya me ya'be guerra te ajwalil ta norte; pero ha ya xloc' tal ta stojol hich te bin ut'il chahwuquil ha'al, ya xtal soc carretahetic yu'un guerra, soldadohetic mohemic ta cawu soc bayel barcohetic; ya yochintay bayel q'uinaletic, soc ya xc'ax xan bahel.

Apocalipsis 22:8

Ho'on Juanon te la jca'iy soc te la jquil spisil ini. Laj nax ca'iybel a soc laj nax quilbel a, la jpahcan jba ta ye'tal yoc ta sch'uhuntayel te ch'ul a'bat te la ya'bon quil ini.

Ezequiel 1:28

Hich te bin ut'il xojob te ay ta tocal te c'alal ay ha'al, hich yilel te sts'anabul ta sjoyobal. Hich yilel te nahalsitil yu'un te bin yilel te yutsilal te Jehová. Te c'alal la jquil, la jpahcan jba c'alal ta lum, soc la jca'iybe sc'op te mach'a c'opoje.

San Mateo 17:8

C'alal la shach sitic, mayuc mach'a la yiliquix, ha xanix te Jesús.

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Daniel 10:11

Hich la yalbon: Daniel, te bayel c'uxat ta o'tanil, a'iya awa'iy te bin ya calbat. Hahchan, como ticombilon tal ta atojol, xchi. C'alal hich la yalbon, yacon ta nihquel a la jtehc'an jba.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

Daniel 9:23

Te c'alal hahchat ta yalbeyel wocol Dios chicnaj te suhtib, hich tal calbat awa'iy, como ha'at c'uxat ta o'tanil. Ha yu'un na'beya scuentahil te suhtib soc na'beya scuentahil te nahalsitile.

Daniel 8:15

Ho'on, Daniel, c'alal yacon ta sna'ulanel a te nahalsitil soc bin ut'il ay sc'oblal, la stehc'an sba ta jtojol mach'a hich yilel te bin ut'il winic.

Daniel 2:46

Hich te ajwalil Nabucodonosor la snijan cohel sjol c'alal ta lum ta stojol Daniel, la yich' ta muc', soc la yal mandar te ya x'a'bot mahtaniletic soc pom.

Ezequiel 6:2

Snich'anat winic, t'ojana bahel asit ta stojol te witsetic yu'un Israel, hala sc'op-jalwanej ta scontrahinel,

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Ezequiel 44:4

La yic'on bahel ta ochibal ta stojol norte ta stojol te templo; la jquil te noj ta yutsilal Jehová te sna Jehová; la jpahcan jba c'alal ta lum.

Daniel 7:16

Nohpojon bahel ta sts'ehl jtuhl te mach'atic tey tec'ajtic a, la joc'obe bin sc'oblal spisil ini. La sc'oponon, la ya'bon jna' te bin sc'oblale:

Daniel 8:27

Ho'on, Daniel, laj quip la jca'iy yu'un, bayel c'ahc'al ayon ta chamel. Patil hahchon, cha'ochon xan ta spasel te a'tel yu'un te ajwalil. Pero ay xiwel ta co'tan ta scaj te nahalsit, ma ba la jna'be scuentahil.

Ezequiel 2:1

Hich la yalbon: Snich'anat winic, tehc'ana aba, ay bin ya calbat, xchi.

Daniel 11:27

Te cheb ajwaliletic ya snop ta yo'tanic spasel te bin chopol. Pajal ya shuhcan sbahic ta mesa, talel c'axel ya slo'tiy sbahic, pero mayuc bin ya xloc' a como ma to ba stahoj yorahil te ya xc'oht ta pasele.