Daniel 8:15 - Bible in Tzeltal Bachajón

¹⁵ Ho'on, Daniel, c'alal yacon ta sna'ulanel a te nahalsitil soc bin ut'il ay sc'oblal, la stehc'an sba ta jtojol mach'a hich yilel te bin ut'il winic.

Bible in Tzeltal de Oxchuc y Tenejapa

¹⁵ Te bi ora yacon ta sna'ulayel a te bila la quil la caiye, yacon ta sna'el bit'il ay sc'oplal, ora nax chicnaj ta jtojol nojq'uetalil, pajal soc winic yilel.

Daniel 8:15 Referans Kwoze

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Apocalipsis 1:13

soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.

Daniel 10:18

Hich te mach'a pajal yilel soc snich'an winic la scha'picon, la ya'bon quip,

Apocalipsis 13:18

Ya sc'an p'ijil-o'tanil li'i. Te mach'a ya sna' q'uinal ac'a sna'be te snumerohil te chambahlam te xiweltic sba, como ha snumerohil winic. Hich ay te snumerohile: 666 (waqueb, waqueb, waqueb).

San Marcos 13:14

Te c'alal yac awilic te bin ihlobtic sba te ya xjinawan te ay ta banti ma xhu' ya x'och sc'oblale, (te mach'a ya yil te hune, ac'a sna'be scuentahil), te mach'atic ayic ta sq'uinal Judea ac'a ahnuquic bahel ta witsiltic.

San Marcos 4:12

scuenta yu'un ya yilic, pero ma xc'oht ta yo'tanic, soc ya ya'iyic, pero ma sna'beyic scuentahil; scuenta yu'un ma ba ya suhtes yo'tanic te hich ya xpasbot perdón yu'un smulic, xchi.

San Mateo 24:30

Tey ora ya xchicnaj tal ta ch'ulchan a te seña yu'un te Nich'anil ay ta scuenta winic, hich ya xhahch smel yo'tanic spisil te jaychahp mach'atic ayic ta bahlumilal, ya me yilic te Nich'anil ay ta scuenta winic te yac ta talel ta stocalil ch'ulchan soc yu'el soc bayel yutsilal.

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

San Mateo 13:36

Hich te Jesús la yihquitay hilel te ants-winiquetic, och bahel ta na. Te jnopojeletic nohpojic tal ta stojol, hich la yalbeyic: Hala ca'iycotic sc'oblal te sloc'ombahil c'op yu'un te ac te ts'umbil ta q'uinal, xchihic.

Daniel 12:8

La jca'iy, pero ma ba la jna'be scuentahil. Ha yu'un hich la joc'obe: Tatil, ¿bin yilel ya xc'oht te slajibal te bintic ay ini? xchihon.

Daniel 10:5

La jquil mohel, tey ay a jtuhl winic slapoj lino pac' soc te schuquil-ch'uht pasbil ta oro te talem ta Ufaz.

Daniel 7:28

Ha slajibal ta halel te sc'op ini. Ho'on Daniel, bayel c'opoj co'tan soc sacub quelaw yu'un, pero la jq'uej ta co'tan bin ut'il ay spisil ini.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

Daniel 8:1

Ta yoxebal ha'bil yochel ta ajwalil a te Belsasar, ho'on Daniel la jquil nahalsitil, yan a te la jquil ta nahil to.

Daniel 8:19

Hich la yalbon: Ya calbat awa'iy te bin ya xc'oht ta pasel te c'alal c'axix a te ilimba; como ha sc'oblal te slajibal c'ahc'al.

Zacarías 1:9

Hich la joc'oy: Tatil, ¿bintic a ini? xchihon. Hich la yalbon te ch'ul a'bat yacon ta c'op soc: Ya ca'bat ana' mach'atic a ini, xchi.