Daniel 7:18 - Bible in Tzeltal Bachajón

¹⁸ Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.

Bible in Tzeltal de Oxchuc y Tenejapa

¹⁸ Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Daniel 7:18 Referans Kwoze

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

Apocalipsis 5:10

La awa'beyix ya'telic ta ajwalil soc ta sacerdotehil ta stojol te Dios cu'untic, ya me ya'iyic cuentahinwanej ta bahlumilal, xchihic ta c'ayoj.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Daniel 7:22

ha to c'alal tal te jtuhl Mamal, la schahpan ta stojil te mach'atic ch'uhltesbilic yu'un te Mach'a mero toyol ay, soc c'oht yorahil te mach'atic ch'uhltesbilic la yu'untayic te ban c'alal ay ta cuentahinel.

Salmos 45:16

Ha ya sjelolin ta ame'atat te anich'nabe, ya me awac'ticlan ta príncipaletic ta stojol spisil te q'uinale.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Efesios 6:12

Como ma ha'uc ya jtsal jbahtic soc ch'ich'-baq'uet, ha ya jtsal jbahtic soc principaletic, te mach'atic ay yu'elic, yajwalic yihc'al q'uinal ta bahlumilal ini, soc chopol espírituhetic te ay yipic te ayic ta toyol.

San Lucas 1:33

Sbahtel q'uinal ay ta ajwalil yu'un te patil al-nich'anetic yu'un Jacob; mayuc slajibal te cuentahinel yu'une, xchi sc'oblal.

1 Corintios 6:2

¿Yu'un bal ma ba ana'ojic te mach'a ch'uhltesbilic ya me schahpanic te mach'atic yu'un te bahlumilale? Teme yac achahpanic te mach'atic ayic ta te bahlumilal, ¿yu'un bal ma xhu' awu'unic schahpanel te bintic peq'uel sc'oblale?

Apocalipsis 22:5

Mayuquix ahc'abal; ma xtuhun yu'unic tsumbil c'ahc' o te sc'ahc'alel te c'ahc'al, como te Cajwaltic Dios ya me sacubtes q'uinal ta stojolic, soc ya me ya'iyic cuentahinwanej ta sbahtel q'uinal.

Salmos 49:14

Hich te bin ut'il tuminchijetic macbilic bahel ta lajel, hich ya xcanantayotic yu'un te lajele. Ta sab ya xcuentahinotic yu'un te mach'atic toj yo'tanic; ya xlaj te st'ujbilalic, ha snahic ya xc'oht te muquenale.

Isaías 14:2

Te nacionetic ya me yiq'uic bahel ta slumalic, soc ha a'batetic soc criadahetic ya xc'ohtic yu'un te sna Israel ta sq'uinal Jehová. Ya schuquic te mach'atic chucotic bahel yu'unic soc ya scuentahinic te mach'atic uts'inotic yu'unique.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 7:17

Te chaneb muc'ul chambahlametic, ha chaneb ajwaliletic te ya xchicnaj tal ta q'uinal.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Abdías 1:17

Pero ta wits Sión ay mach'atic hilemic te ya xcolique; ch'ultesbil ya xc'oht, soc te sna Jacob ya scha'ich'ic xan te bintic ay yu'un.