Daniel 4:1 - Bible in Tzeltal Bachajón

¹ Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Bible in Tzeltal de Oxchuc y Tenejapa

¹ Te muc' ajwalil Nabucodonosor la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Daniel 4:1 Referans Kwoze

Daniel 6:25

Hich te ajwalil Darío la sts'ihbabe spisil te pueblohetic, nacionetic soc c'opiletic ta spisil q'uinal, hich la yal: Ayuc bayel lamal q'uinal yac awa'iyic.

1 Pedro 1:2

te tsahbilic ta scuenta te nahil na'bot sbahic yu'un te Jtatic Dios, ta scuenta te ch'ultesel yu'un te Espíritu, yu'un ya sch'uhumbeyic smandar te Jesucristo soc ya yich'ic tsihtsinel ta sch'ich'el: Bayeluc me yutsil-o'tanil soc lamal q'uinal ta atojolic.

Daniel 3:4

Te mach'a ay ta scuenta yalel, hich la yal ta aw: Pueblohetic, nacionetic soc spisil ta chahp c'opiletic, hich ay te mandar ta atojolic:

Efesios 1:2

Ayuc me yutsil-o'tanil soc lamal q'uinal ta atojolic yu'un te Jtatic Dios soc yu'un te Cajwaltic Jesucristo.

Daniel 3:29

Ha yu'un ya cal ta mandar te biluc pueblohil, nacionil o c'opil te ya sbohlc'optay te Dios yu'un Sadrac, Mesac soc Abed-nego ac'a yich'ic butsticlanel soc ac'a yich' busanel ta jinel te sna, como mayuc yan dios te hich ya xhu' ya xcoltaywan, xchi.

Esdras 4:17

Te ajwalil hich la sticombe bahel suhtib: Ya jpatbeyex awo'tanic soc lamaluc me q'uinal yac awa'iyic, gobernador Rehum, secretario Simsai soc te yantic amohloltac te nahinemic ta Samaria, soc te yantic te ayic ta jehch muc'ul-ha'.

1 Crónicas 12:18

Tal te Espíritu ta stojol Amasai, te jtsobaw yu'un te lajuneb scha'winic (30) ta tuhl, hich la yal: ¡Awu'unotcotic, David! ¡Ya joquinatcotic, snich'anat Isaí! ¡Lamaluc me q'uinal, lamaluc me q'uinal ta atojol, soc ta stojol te mach'atic ya scoltayat, como ya me scoltayat te Dios awu'une! xchi. Te David la yic' ta stojol soc la yac'ticlambe ya'telic soc te yantic jtsobawetic yu'un te soldadohetique.

1 Timoteo 1:2

ta stojol Timoteo, te mero jnich'an ta scuenta sch'uhunel-o'tanil: Ayuc me awu'un yutsil-o'tanil, sc'uxul-o'tanil soc lamal q'uinal yu'un te Jtatic Dios soc te Cajwaltic Cristo Jesús.

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

Hechos 2:6

C'alal ay bin xju'et c'opoj la ya'iyic, la stsob tal sbahic te ants-winiquetic; xcham yo'tanic como jujutuhl la ya'iyic te c'opojic ta sc'opic nix.

Zacarías 8:23

Hich yaloj te Jehová te scuentahinej spisil: Ta hich ora, ay lajuntuhl jyanlumetic te bayel ta chahp sc'opic, ya stsacbe sti'il sc'u' jtuhl judio, hich ya yalbeyic: Ac'a jt'unatcotic bahel te ha'exe, como la jca'iycotic te sjoquinejex te Diose, xchihic.

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Ester 8:9

Ha yu'un ic'otic tal te secretariohetic yu'un te ajwalil ta oxeb scha'winic (23) c'ahc'al ta yoxebal u, ha te u Siván. Spisil te bin la yal te Mardoqueo la yich' ts'ihbabeyel te judiohetic, te schebal ajwaliletic, gobernadoretic soc te príncipaletic yu'un te huqueb shucwinic (127) ta sehp q'uinal c'alal ta India ha to ta Etiopía, ha chican te sts'ihbajelic te jujusehp q'uinal, soc ha chican te sc'op te jujuntic pueblo; ha nix hich te judiohetic ha chican te sts'ihbajelic soc te sc'opique.

Ester 3:12

Ha yu'un ta yoxlajunebal (13) c'ahc'al ta shachel u la yich'ic iq'uel te secretariohetic yu'un te ajwalil, la yich' sts'ihbayel spisil te bintic la yal ta mandar te Amán, la sticonlambe ta stojol te gobernadoretic ta jujusehp q'uinal soc te príncipaletic yu'un jujun pueblo, ta jujusehp q'uinal chican bin yilel te sts'ihbajelic soc ta jujun pueblo ha chican te sc'opique. La yich' ts'ihbayel ta scuenta sbihil te ajwalil Asuero soc la yich' te sello yu'un sch'ocow.

Esdras 5:7

La sticombe carta te hich ts'ihbabil tey a: Ajwalil Darío, lamaluc me q'uinal ta atojol.