Daniel 3:23 - Bible in Tzeltal Bachajón

²³ Te oxtuhl winiquetic ini, ha te Sadrac, Mesac soc Abed-nego, chuculic a yahlic cohel ta yohlil te horno banti yac ta tihlel c'ahc'.

Bible in Tzeltal de Oxchuc y Tenejapa

²³ Ta yoxebal te queremetique, buen c'olajtic a c'otic ta yolil c'ajc' stuquelic.

Daniel 3:23 Referans Kwoze

Jeremías 38:6

Ha yu'un la stsaquic te Jeremías, la yotsesic ta hotbil ch'en yu'un Malquías snich'an te ajwalil, te ay ta yamaq'uil te cárcel. La scohtesic ta lazo. Mayuc ya'lel te hotbil ch'en, ha nax ahch'al; te Jeremías co bahel ta ahch'al.

Salmos 34:19

Ay bayel swocolic te mach'a toj yo'tan, pero te Jehová ya scoltay loq'uel ta spisil.

2 Corintios 4:17

como te jteb nax jwocoltic ini te jc'axel nax ay, ha yac yac'belotic cutsilaltic te c'ax lec xan a soc te mayuc slajibal;

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Daniel 1:7

Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.

Daniel 3:24

Te Nabucodonosor xcham yo'tan, ora la stehc'an sba soc hich la yalbe te j'ac'-o'taniletic yu'un: ¿Ma bal oxtuhluc winiquetic te chucul ch'ojotic ochel ta c'ahc'? xchi. Melel, ajwalil, xchihic.