Daniel 3:15 - Bible in Tzeltal Bachajón

¹⁵ Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

Bible in Tzeltal de Oxchuc y Tenejapa

¹⁵ ¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Daniel 3:15 Referans Kwoze

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

2 Reyes 18:35

¿Mach'a diosil ta spisil te diosetic yu'un te q'uinaletic ini te hu' scoltaybel loq'uel ta jc'ab? ¿Bin ut'il ya xhu' yu'un te Jehová te ya scoltay loq'uel ta jc'ab te Jerusalén? xchi.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Hechos 4:19

Pero la sjaq'uic te Pedro soc Juan: Nopa awa'iyic teme ha toj ta pasel ta stojol Dios teme ya jch'uhuncotic spasel te bin yac awalic te ha'exe o teme ha ya jch'uhuncotic spasel bin ya yal te Diose,

San Marcos 13:11

Pero te c'alal ya yiq'uex bahel yu'un ya yaq'uex ta c'abal, ma me xc'opoj awo'tanic yu'un te bin ya xc'oht awalic, ha me xawalic te bin ya x'ac'otex ta yalel ta hich ora, como ma ha'uquex te ya xc'opojex, ha ya xc'opoj te Ch'ul Espíritu.

Daniel 6:16

Ha yu'un te ajwalil la yal mandar te ya sticonic ta iq'uel te Daniel, hich la sch'ojic ochel ta sch'en te chojetique. Te ajwalil hich la yalbe te Daniel: Te Dios awu'un, te spisil ora awac'oj aba ta a'batinel yu'une, ac'a scoltayat, xchi.

Hechos 6:15

Spisil te mach'atic huhcajtic ta chahpajibal, c'alal la yilbeyic sit yelaw te Esteban, la yilic te sjel ta sit yelaw ch'ul a'bat.

San Lucas 13:9

Teme ya yac' sit, lec ay; teme ma ba ya yac' sit, ha to yac ats'et a, xchi te Jesús.

San Lucas 12:11

Te c'alal ya yiq'uex bahel ta sinagogahetic soc ta stojol ajwaliletic soc mach'atic ay ya'telic, ma me xana'ulan ta awo'tanic bin ut'il yac acoltay abahic o bin yac awalic,

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Isaías 37:23

¿Mach'a a te la alaban? ¿Mach'a a te la abohlc'optay? ¿Mach'a a te la atoy ac'op ta stojol ta scontrahinel soc te la atoy asit yu'un toybahil? ¡Ha te Ch'ul Dios yu'un Israel!

Éxodo 32:32

Ya calbat wocol te yacuc apasbe perdón; teme ma'uque, tup'bon jbihil ta libro te la ats'ihbay, xchi.

San Mateo 27:43

La smuc'ulin yo'tan te Diose, ac'a coltayec yu'un teme ya sc'ane, como yaloj te ho'on Snich'anon Dios, xchihic.

San Mateo 10:19

Teme ac'otex ta c'abal, ma me xanopilan ta awo'tanic bin ya xc'oht awalic soc bin ut'il yac ajaq'uic te c'ope, como ta yorahil ya x'a'botex te bin yac awalique,

Daniel 2:9

Teme ma ba yac awalbonic te bin la jwayichtay, junax te bin ya xc'oht ta atojolic. Achapojic te yac awa'bonic lotil suhtib soc bintic chopol, yu'un hich ya xc'ax yorahil a. Halbonic te wayichil, hich ya jna' a te ya xhu' awu'unic te yac awalbonic te bin ya sc'an ya yal, xchi.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.