Daniel 12:2 - Bible in Tzeltal Bachajón

² Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Bible in Tzeltal de Oxchuc y Tenejapa

² Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Daniel 12:2 Referans Kwoze

Isaías 26:19

Pero ya xcuxajic te mach'atic chamenic awu'un; ya xcha'cuxajic te schamen baq'uetalique. ¡Hahchanic, c'ayojinanic, ha'ex te nahinemex ta ts'ubilum! como te ats'ujulel pajal soc te ts'ujul ta sahb; soc te q'uinal ya yac' loq'uel te mach'atic chamenic tey a.

San Mateo 25:46

Ha'ic ya xbahtic ta castigo sbahtel q'uinal, yan te mach'a toj yo'tanic ya xbahtic ta cuxlejal sbahtel q'uinal, xchi te Jesús.

Ezequiel 37:12

Ha yu'un hala sc'op-jalwanej, halbeya te hich yaloj te Jehová, te Ajwalil: Pueblo cu'un, ya jambeyex amuquenalic; ya cac' te ya xloq'uex tal tey a soc te ya suhtex tal ta sq'uinal Israel.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Hechos 24:15

ha smuc'ulinej co'tan ta stojol Dios, hich te bin ut'il te mach'atic li' ayique, ha te ay cha'cuxajel yu'un te mach'atic chamenic, te mach'atic toj yo'tanic soc te mach'atic ma ba toj yo'tanic.

1 Tesalonicenses 4:14

Como teme jch'uhunejtic te cham te Jesús soc te cha'cuxaj, ha nix hich te Dios ya me yic' tal soc Jesús te mach'atic sch'uhunejic Jesús te wayem sbaq'uetalique.

Isaías 66:24

Ya me xloq'uic bahel soc ya me yilbeyic te chamen sbaq'uetalic te ants-winiquetic te la stoy sbahic ta jtojol; como ma ba ya xcham te shahalic, soc ma ba ya xtup' te sc'ahc'alique. Ihlaybil ya xc'ohtic yu'un spisil ants-winiquetic, xchi te Jehová.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Oseas 13:14

Ya cac' ta libre ta sc'ab te stsobojibal mach'atic chamenic, ya jcoltay loq'uel ta lajel. Ho'on, jlajinwanejon awu'un, lajel; ho'on, jinawalon awu'un, stsobojibal mach'atic chamenic. Ma ba ya jna'be yo'bolil sbahic.

Romanos 9:21

¿Yu'un bal ma xhu' yu'un te jpac'ojom ya spas ta jc'ohl nax ahch'al jun vaso te ich'bil ta muc' soc yan vaso te ma ba ich'bil ta muc'?

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.