Daniel 12:13 - Bible in Tzeltal Bachajón

¹³ Pero te ha'ate, ya xbahat c'alal ta slajibal acuxlejal, yac acux awo'tan, soc ta slajibal c'ahc'al ya xhahchat yu'un yac awich' te bin ya xc'oht ta acuenta, xchi.

Bible in Tzeltal de Oxchuc y Tenejapa

¹³ Pero te ja'ate, Daniel, tojan bael ta slajibal awu'un, baan cuxa awo'tan, ja' to ta slajibal c'aal ya me xjajch'at ta yich'el te stojol ac'abe —la yuton, jo'on te Danielone.

Daniel 12:13 Referans Kwoze

Apocalipsis 14:13

La jca'iy ay mach'a c'opoj tal ta ch'ulchan te hich la yalbon: Ts'ihbaya: Bayel me yutsilic te mach'atic ayic ta stojol Cajwaltic a te ya xway sbaq'uetalic li' bahele, xchi. Melel, xchi te Espíritu, ya me scux yo'tanic yu'un te ya'telic, como ya xt'unotic yu'un te ya'telique, xchi.

2 Corintios 5:1

Jna'ojtic teme ya xlaj te nahilpac' te banti jnahinejtic ta bahlumilal, ay jnatic yu'un Dios ta ch'ulchan te sbahtel q'uinal ay, te ma pasbiluc ta c'abal.

Zacarías 3:7

Hich yaloj te Jehová te scuentahinej spisil: Teme yac at'umbon te behetic cu'un, soc teme yac ach'uhumbon spasel te halbil mandariletic cu'une, ya me acuentahimbon te jna soc ya me acanantaybon te amaq'uetic cu'un, soc ya ca'bat awawil ta yohlil te mach'atic teq'uelic li'i.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

Salmos 16:5

Te Jehová ha te bin ya x'a'boton quich' soc ha copa cu'un; ha'at yac acanantaybon te bin ya xc'oht ta jcuenta.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

Salmos 1:5

Ha yu'un te mach'atic chopol yo'tanic ma xcuhch yu'unic te yorahil ich'el ta c'op, te jmulawiletic ma x'ac'otic ochel ta tsoblej yu'un te mach'atic toj yo'tanique.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Éxodo 33:14

Hich halbot yu'un Jehová: Ya joquinat bahel, soc ya ca'bat acux awo'tan, xchi.

Salmos 16:9

Ha yu'un tse'el co'tan soc bayel yutsil co'tan; ha nix hich te jbaq'uetal jun yo'tan ay;