Daniel 11:10 - Bible in Tzeltal Bachajón

¹⁰ Pero te snich'nab te ajwalil ta norte ya schahpan sbahic yu'un guerra, ya stsobic bayel soldadohetic. Ora ya xtal hich te bin ut'il snojel ha', ya xc'ax bahel; patil ya suht tal ta ya'beyel guerra c'alal ta ahnibal ts'ahc yu'un te ajwalil ta sur.

Bible in Tzeltal de Oxchuc y Tenejapa

¹⁰ “Pero te snich'nab te muc' ajwalil ta norte ya xchajban sbaic yu'un guerra, ya xchapic bayal soldadoetic yu'unic. Ay me jtul te soc spisil yip ya xbajt' ta yac'beyel guerra ta sur, jc'axel me ya sjin ta spisil jichuc muc'ja' te mal loq'uel tel ta sti'ile. Patil ya xcha'bajt' yac'bey xan guerra, ya me xc'ot c'alal ta tulanil ts'ajc' yu'un te muc' ajwalil ta sur.

Daniel 11:10 Referans Kwoze

Daniel 11:7

Pero ay jtuhl sts'umbal te ants te ya xhuhcaj ta shuctajib. Ya xtal soc soldadohetic yu'un ta ya'beyel guerra te ajwalil ta norte, ya x'och bahel ta ahnibal ts'ahc yu'un, ya ya'be guerra soc ya stsal.

Daniel 9:26

C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.

Jeremías 51:42

Mucot yu'un mar te Babilonia, mucot yu'un te yip stselajan.

Daniel 11:26

Ya xjihnot yu'un te mach'atic ya xwe'ic ta mesa yu'un; te soldadohetic yu'un ya yich'ic lajinel, soc tsobolic ya xlajic ta milel.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

Isaías 25:12

Ha ya sjin cohel te toyol ts'ahquetic awu'un, ya spehc'an, ya sch'oj cohel ta lum, c'alal ta ts'ubilum.

Daniel 11:9

Hich te ajwalil ta norte ya me yochintay te ban c'alal scuentahinej te ajwalil ta sur, patil ya suht bahel ta sq'uinal.