Cantares 8:1 - Bible in Tzeltal Bachajón

¹ ¡Te ha'uc jbanquilat, te la achu'umbe schu' te jnane! C'alal ya jtahat ta calle ya cuhts'uyat, mayuc mach'a ya sp'ajon yu'un.

Bible in Tzeltal de Oxchuc y Tenejapa

¹ Te ja'ucat nix a te jxilelat te ch'iemat ta xchu' te jme'e. Te jichuque, teme la jtaat ta calle, ya xju' ya jbujts'iyat, ma me ayuc mach'a ya slabanon yu'un.

Cantares 8:1 Referans Kwoze

Gálatas 4:26

Yan te Jerusalén ta toyol, libre ay stuquel, ha jnantic te ho'otique,

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Lucas 2:38

Ha yorahil a te c'oht te Ana, hahch yalbe bayel wocol te Diose, soc la yalticlambe sc'oblal te alal spisil te mach'atic yac smahliybelic te colel yu'un Jerusalén.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Isaías 60:14

Te snich'nab te mach'atic la yuts'inex ya me xtal snijan sbahic ta atojol, spisil mach'atic la sp'ajex ya me xtal squejan sbahic ta ye'tal awoc; soc hich me ya ya'beyex abihilic: Pueblo yu'un Jehová, xchihic, soc: Sión yu'un te Ch'ul Dios yu'un Israel, xchihic ta atojol.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Gálatas 6:14

Pero ma jaymehluc te ay bin ya cal yutsil jc'oblal yu'une, ha nax ya calbe yutsil sc'oblal te cruz yu'un te Cajwaltic Jesucristo, te ha ta scuenta te laj sc'oblal ta co'tan te bahlumilal soc te ha nix hichon lajon ta stojol te bahlumilale.

1 Corintios 1:28

soc ha tsahbil c'oht yu'un Dios te bin mayuc stuc soc te bin p'ajbil ta bahlumilal, soc te bin ma ba ay, scuenta yu'un ya slajimbe sc'oblal te bin aye,

San Juan 16:28

Talemon ta stojol te Tatil soc hulemon ta bahlumilal; yo'tic ya quihquitayix hilel te bahlumilal, ya xbohonix ta stojol te Tatile, xchi.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Lucas 18:9

Te Jesús la yalbe ya'iyic sloc'ombahil c'op te mach'atic scuyoj sbahic ta toj ta winiquil soc te mayuc sc'oblal ta yo'tan yantic, hich la yal:

San Lucas 12:8

Ya calbeyex te spisil mach'a jamal ya yal ta stojol ants-winiquetic te ya sna'bon jba, ha nix hich te Nich'anil ay ta scuenta winic jamal me ya yal ta stojol te ch'ul a'batetic yu'un Dios te ya sna'be sba ec.

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Lucas 9:26

Te mach'a ya xq'uexaw cu'un soc yu'un te jc'ope, ha nix hich te Nich'anil ay ta scuenta winic ya me xq'uexaw ta stojol c'alal ya xtal soc yutsilal, soc te yutsilal te Stat soc te yutsilal te ch'ul a'batetique.

Cantares 1:2

¡Te yacuc awuhts'uyon soc te uts'uyel awu'un! como te sc'uxul awo'tan c'ax hich lec a te bin ut'il vino.

Salmos 51:17

Te mahtaniletic ya sc'an te Diose, ha te pich'il-o'tanile; ma ba yac ap'aj, Dios cu'un, te mach'a pich'il yo'tan soc te ya smel yo'tan yu'un te smule.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Cantares 7:13

Te mandrágorahetic ya spuquic bahel sumet yic', soc ta sti'il jnatic ay spisil ta chahp lequil sit te'etic, ay yach'il soc ay pajuben te jq'uejojbat, ha'at te c'uxat ta co'tane.

Cantares 8:2

Ya quic'at bahel soc ya cohtsesat ta sna jnan, ha'at yac anohpteson. Ya ca'bat awuch' lequil vino, te ya'lel te granada cu'un te hichuque.