Cantares 4:3 - Bible in Tzeltal Bachajón

³ Te sti'il awe pajal soc tsajal hilera; soc t'ujbil ta a'iyel te ac'ope. Te acho te macbil yu'un smahquil pajal soc granada xet'bil ta ohlil.

Bible in Tzeltal de Oxchuc y Tenejapa

³ Te sti'il awe, buen tsaj, pajal soc tsajal hilera; soc buen t'ujbil ta aiyel ta jchiquin te ac'ope. Te jujun mejch' awelaw pajal soc xet'bil granada te macal ta areboso.

Cantares 4:3 Referans Kwoze

Cantares 6:7

Te acho te macbil yu'un smahquil pajal soc granada xet'bil ta ohlil.

Cantares 5:16

Te spa'jaj, mero chi', ta scohtol mulantic sba. ¡Hich ay te mach'a c'ux ta co'tan, hich ay te mach'a jun co'tan soc, ach'ixetic yu'un Jerusalén!

Josué 2:18

C'alal ya x'ochotcotic tal ta q'uinal ya me ajohc'an te tsajal lazo ini ta ventana te banti yac acohtesotcotic, soc ya me atsob ta ana te atat, anan, abanquil, awix, awihts'nab, soc spisil mach'atic ay yu'un te atate.

Hebreos 9:19

como te c'alal laj yo'tan te Moisés ta yalbeyel ya'iyic spisil te pueblo te mandariletic, la stsac ta sc'ab te sch'ich'el jcolel torohetic soc tat tentsunetic, soc la yich' talel ha' soc tsajal stsotsel tuminchij soc hisopo-te', la stsihtsin a te libro yu'un te mandariletic soc spisil te pueblo,

Colosenses 4:6

Bayeluc me yutsil ac'opic ya xc'opojex, ayuc me yats'amul, scuenta yu'un yac ana'ic bin ut'il yac ajac'beyic sc'opic ta jujutuhl.

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

San Lucas 4:22

Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

San Mateo 12:35

Te mach'a lec ta winiquil ya xloc' ta ye te bintic lec sq'uejoj ta yo'tan; te mach'a chopol ta winiquil, ya xloc' ta ye te bintic ma lecuc sq'uejoj ta yo'tan.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Cantares 7:9

te apa'jaj pajaluc soc lequil vino te ya xc'oht ta stojol te mach'a c'ux ta co'tan soc c'un ya xmahl bahel ta sti'il ye te mamaletique.

Cantares 5:13

Te scho, pajal soc jchohl nichimaltic te sumet yic'; te sti'il ye, pajal soc lirio-nichim te ya xt'uhlaj loq'uel mirra tey a.

Cantares 4:11

Jlecolat, ya x'oquin chab ta sti'il awe hich te bin ut'il schabec'al chab; chab soc leche ay ta ye'tal awac'. Te sumet yic' te ac'u' apac' pajal soc yic' te Líbano.

Proverbios 31:26

Ay sp'ijil yo'tan ya xc'opoj, soc yutsil yo'tan ya xnohpteswan.

Proverbios 10:13

Ay p'ijil c'op ta ye te mach'a p'ij yo'tan, pero ya yich' a'beyel xul ta spat te mach'a ma sna' q'uinal.

Salmos 119:13

Ya cal ta que spisil te bintic la achapticlan te loc' ta awe.

Salmos 45:2

Ha'at c'ax hich at'ujbilal a te bin ut'il yantic winiquetic; c'ax t'ujbil c'opetic ya xloc' ta awe, yu'un Dios la ya'bat bendición sbahtel q'uinal.

Salmos 37:30

Ya xloc' p'ijil c'op ta ye te mach'a toj yo'tan, soc ya yal te bin stojil.

Esdras 9:6

hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Números 19:6

Te sacerdote ya stsac tal cedro, hisopo soc tsajal pac', ya sch'ojticlan ochel ta c'ahc' ta banti yac ta c'ahq'uel te wacaxe.

Números 4:8

Ta sba ya slimbeyic ta tsajal pac', soc ya smuquic xan bahel ta nuhculetic, patil ya yotseslambeyic te sq'uechojibale.

Levítico 14:6

Patil ya stsac te tut ha'mal mut cuxule, te cedro-te', tsajal pac' soc te hisopo, ya yahts'es soc te cuxul tut ha'mal mut ta sch'ich'el te tut ha'mal mut la yich' milel ta sba te ya'lel sloq'uib-ha';

Levítico 14:4

te sacerdote ya sticombe ta iq'uel tal cheb cuxul bic'tal ha'mal mutetic te lec sc'oblalic, soc cedro-te', tsajal pac' soc hisopo, yu'un te mach'a ya yich' lecubtesel.

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Cantares 1:5

Yantsil-nich'nabex Jerusalén, ihc'al antson, pero t'ujbilon hich te bin ut'il te nahilpaq'uetic yu'un Cedar, hich te bin ut'il spac'al snahilpac' Salomón.