Cantares 4:12 - Bible in Tzeltal Bachajón

¹² Macbil nichimaltic c'ohemat, quihts'inat, jlecolat; macbil sloq'uib-ha' c'ohemat, sloq'uib-ha' te yich'oj sello;

Bible in Tzeltal de Oxchuc y Tenejapa

¹² Ja'at, jch'ielat te quinamate, macbil nichimaltic c'oemat, macbil sloq'uibja' c'oemat, sloq'uibja' yich'oj selloil yaiyel;

Cantares 4:12 Referans Kwoze

Apocalipsis 21:27

Ma x'och tey a te bin bohloben sc'oblal o te mach'a ya spas bin ilobtic sba o te mach'a ya ya'iy lot; ha nax te mach'atic ts'ihbabil sbihilic ta libro scuenta cuxlejal yu'un te Jcolel Tuminchij.

1 Corintios 6:13

Te we'elil ha yu'un ch'uhtul soc te ch'uhtul ha yu'un we'elil, pero Dios ya me slajin ta schebal. Pero te jbaq'uetaltic, ma ha'uc stuc yu'un antsiwej o antsinel, ha yu'un Cajwaltic, soc te Cajwaltic ha yu'un te jbaq'uetaltique.

Apocalipsis 7:3

hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.

1 Corintios 7:34

Ha nix hich ma pajaluc te mach'a nuhpunem soc te ach'ixe. Te ach'ix ya yo'tantay spasel te bintic yu'un te Cajwaltic, ha te bin ut'il ch'ultesbil ya xc'oht te yo'tan soc sbaq'uetal; yan te mach'a nuhpunem, ha ya xbaht ta yo'tan spasel te bintic scuenta bahlumilal, te bin ut'il lec yo'tan yu'un te smamalale.

Efesios 4:30

Ma me xawa'beyic smel yo'tan te Ch'ul Espíritu yu'un Dios, te ha sello awich'ojic ha to teme la sta yorahil acolelique.

Efesios 1:13

Ha nix hichex te c'alal la awa'iyic te smelelil c'op, ha te lec yach'il c'op yu'un acolelic, te c'alal la ach'uhunic la awich'ic asellohilic, ha te Ch'ul Espíritu te halbil ya xtale.

2 Corintios 1:22

ha nix la ya'botic sello soc la ya'botic ta co'tantic te Espíritu scuenta seña yu'un te bin ya xtale.

Oseas 6:3

Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Jeremías 31:12

Ya me xtalic soc aw yu'un tse'el-o'tanil ta sba wits Sión, ya me smulambe yutsil slequil te Jehová: ha te trigo, vino soc aceite, te yalatac te tuminchijetic soc te wacaxetique. Hich ya xc'oht scuxlejalic te bin ut'il awal-ts'unubil te ay ya'lel, mayuquix bin ora ya xlaj yipic.

Isaías 58:11

Te Jehová ya stojobtesat bahel spisil ora, ta taquin q'uinal ya ya'bat bin ya xtuhun awu'un, soc ya ya'be yip te abaquele. Hich ya xc'ohat te bin ut'il ts'umbil nichimetic te a'bibil ya'lel, hich te bin ut'il sloq'uib-ha' te jc'axel ma xtup'.

Cantares 6:11

Cohon bahel ta ts'umbil nogal te'etic ta yilel te bintic puhlinem ta spamlej, ta yilel teme pulinemic te ts'usubiletic, teme nichinemiquix te granadahetique.

Cantares 6:2

Te mach'a c'ux ta co'tan cohem bahel ta ts'umbil q'uinal yu'un, ta chohlochohl te bintic sumet yic', baht ta yaq'uel ta we'el ta ts'umbil q'uinal te tuminchijetic yu'un soc ta stsobel lirio-nichimetic.

Génesis 29:3

C'alal ya stsob sbahic tey a te jujuchahp tuminchijetic, te jcanan-tuminchijetic ya sloq'uesic te ton macal a, ya ya'beyic yuch' ha' te tuminchijetic, patil ya smaquic xan hilel.

Cantares 4:9

La awu'untaybon te co'tan, ha'at quihts'inat, jlecolat; la awu'untaybon co'tan te junax buelta la awilon, ta jlihc nax awu ta anuc'.