Cantares 4:11 - Bible in Tzeltal Bachajón

¹¹ Jlecolat, ya x'oquin chab ta sti'il awe hich te bin ut'il schabec'al chab; chab soc leche ay ta ye'tal awac'. Te sumet yic' te ac'u' apac' pajal soc yic' te Líbano.

Bible in Tzeltal de Oxchuc y Tenejapa

¹¹ Ja'at te quinamate, ta sti'il awe ya xloc' tel chab yaiyel; chab soc leche ay ta ye'tal awac'. Te sbujts' yic' te ac'u'-apaq'ue, pajal soc sbujts' yic' Líbano.

Cantares 4:11 Referans Kwoze

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Cantares 7:9

te apa'jaj pajaluc soc lequil vino te ya xc'oht ta stojol te mach'a c'ux ta co'tan soc c'un ya xmahl bahel ta sti'il ye te mamaletique.

Cantares 5:13

Te scho, pajal soc jchohl nichimaltic te sumet yic'; te sti'il ye, pajal soc lirio-nichim te ya xt'uhlaj loq'uel mirra tey a.

Génesis 27:27

Hich nohpoj tal te Jacob, la yuhts'uy te state. Te Isaac la ya'iybe yic' te sc'u' spac', la ya'be bendición, hich la yal: A'iya awa'iy, ha yic' te jnich'ane, hich yic' te bin ut'il ha'maltic te a'bibil bendición yu'un Jehová.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Isaías 7:15

Ya me slo' tatuben leche soc chab te c'alal ya sna' stsahtayel te bin ma lecuc soc te bin leque.

Cantares 4:3

Te sti'il awe pajal soc tsajal hilera; soc t'ujbil ta a'iyel te ac'ope. Te acho te macbil yu'un smahquil pajal soc granada xet'bil ta ohlil.

Proverbios 16:24

Te c'opetic te t'ujbil ta a'iyel hich c'ohemic te bin ut'il chab ta schabec'al, ya xchi'ub ch'uhlelal yu'un soc ha pox yu'un te baquetique.

Proverbios 5:3

Como ya xt'uhlaj chab ta ye te j'antsinel-ants, te yac' c'ax hich sc'unil a te bin ut'il aceite;

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Salmos 19:10

C'ax hich mulambil a te bin ut'il oro, c'ax hich a te bin ut'il bayel lequil oro; c'ax hich schi'il a te bin ut'il chab, ha te chab te ya x'oquin loq'uel ta schabec'al.

Cantares 4:10

¡C'ax t'ujbil te sc'uxul awo'tan, ha'at quihts'inat, jlecolat! c'ax hich t'ujbil a te sc'uxul awo'tan te bin ut'il vino, soc te perfume awu'un, c'ax hich sumet yic' a te bin ut'il spisil yantic te sumet yiq'ue.

Salmos 92:13

ts'umbilic ta sna Jehová, ya me xnichinic ta amaq'uetic yu'un te Sna te Dios cu'untique.

Proverbios 5:2

scuenta yu'un yac atsahtay aba soc ay ap'ijil te ya xc'opojate.