Cantares 3:2 - Bible in Tzeltal Bachajón

² Hich la jcal: Ya xhahchon, ya cocliy ta sjoyobal ta yutil pueblo, ta callehetic soc ta plazahetic; ya jle te mach'a c'ux ta co'tan, xchihon. La jle, pero ma ba la jta.

Bible in Tzeltal de Oxchuc y Tenejapa

² Jich ora jajch'on, la coclin ta spamal te lume, ja' yacon ta sleel te mach'a jmulaneje. La jle ta calleetic soc ta plazaetic; la jle, pero ma ba la jta.

Cantares 3:2 Referans Kwoze

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Romanos 13:11

Ya sc'an te hich ya jpastic, te bin ut'il jna'ojtic bin c'ahc'alil ayotic ini, ha te bin ut'il yorahilix te ya jwic' jsitic te wayalotic, como nopol xan ay te jcoleltic te bin ut'il c'alal hahch jch'uhuntique.

San Juan 1:6

Ay jtuhl winic ticombil tal yu'un Dios, Juan sbihil.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Isaías 64:7

Mayuc mach'a te ya sc'oponat ta abihil, o te ya spas tulan te ya sc'ambat coltayel; como la anac' asit ta jtojolcotic, soc la awac' te sayubotcotic yu'un te yip te jmulcotique.

Cantares 5:5

Hahchon ta sjambeyel puerta te mach'a c'ux ta co'tan, xt'uhlajan cohel mirra ta jc'ab, te yalatac jc'ab yatinej mirra te mahl cohel ta sba te sjamojibal puerta.

Proverbios 8:34

Bayel me yutsil te mach'a ya ya'iybon te jc'ope, te jujun c'ahc'al ya sq'uehlan sit ta ti'nahiletic cu'un, te yac smahliybel ta sti'il te jnahe.

Cantares 3:3

La stahonic te jcananetic te yac sbehentaybelic ta sjoyobal te pueblo, hich la joc'obe: ¿Awilojic bal te mach'a c'ux ta co'tane? xchihon.

Cantares 1:7

Halbon ca'iy, ha'at te c'uxat ta co'tan, banti yac acanantay te tuminchijetic awu'un, banti yac awa'be scux yo'tanic ta ohlil c'ahc'al. ¿Bin yu'un te hich ayon te bin ut'il jbehyom ta sts'ehl te jtsohb chambahlametic yu'un amohloltac?