Cantares 1:4 - Bible in Tzeltal Bachajón

⁴ ¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Bible in Tzeltal de Oxchuc y Tenejapa

⁴ Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Cantares 1:4 Referans Kwoze

San Juan 6:44

Mayuc mach'a ya xhu' ya xtal ta jtojol teme ma ba ic'bil tal yu'un te Jtat te la sticonon tale; soc ho'on ya jcha'cuxajtes ta slajibal c'ahc'al.

Oseas 11:4

La jnit ta lazo scuenta yutsil-o'tanil, ta lazo scuenta c'uxul-o'tanil; hich c'ohon ta stojolic te bin ut'il mach'a ya sloq'ues yugo ta snuc', soc la cac'ticlambe swe'elic.

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

Jeremías 31:3

Te Jehová nameyix la yac' sba ta ilel ta jtojolt, hich la yal: Sbahtel q'uinal c'uxat ta co'tan; ha yu'un te la jcac' halajuc ta atojol te c'uxultayel cu'une.

Hebreos 12:1

Ha yu'un, te bin ut'il joytaybilotic yu'un tsobol ta tuhl testigohetic, ac'a quihquitaytic hilel spisil te bin ya smacotic soc te bin mulil ya sbech'otic, junuc co'tantic ac'a ahnumajucotic bahel te banti bahel yacotic,

San Lucas 22:19

Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

San Lucas 2:10

Pero halbotic yu'un te ch'ul a'bat: Ma xiwex, ya calbeyex awa'iyic bin yach'il c'ohem ta pasel te bayel yutsil-o'tanil yu'un, te ha yu'un spisil ants-winiquetic:

San Mateo 25:10

Pero c'alal bahemic ta smanel tal a, tal te mach'a ya xnuhpun. Te ach'ixetic te chapajtic la sjoquinic ochel te banti ya xc'oht te nuhpunel, soc la yich' maquel te ti'nahile.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Isaías 63:7

Ya calbe sc'oblal te sc'uxul yo'tan te Jehová, te yutsil sc'oblal te Jehová yu'un spisil bintic spasoj ta jtojoltic, te bintic bayel lec la spasbe te mach'atic yu'un Israel, te spasoj ta scuenta sna'beyel yo'bolil sbahic soc te smuc'ul sc'uxul yo'tane.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Isaías 45:25

Ta scuenta Jehová toj ya xc'ohtic soc ya yich' yutsilalic spisil te sts'umbal Israel.

Isaías 25:8

Ya me slajin scuenta sbahtel q'uinal te lajele, te Cajwaltic Jehová ya scusticlambe ya'lel sitic ta spisilic, ya sloq'ues ta spahmal bahlumilal te bin q'uexlaltic sba yu'un te pueblo yu'une; yu'un hich yaloj te Jehová.

Cantares 3:4

Lajel to quihquitaybelic a, la jta te mach'a c'ux ta co'tan. La jtsac, ma ba la jcoltay ha to c'alal la jcotses ta sna jnan, ta stsalul sna te mach'a la yayinteson.

Salmos 149:2

Tse'eluc me yo'tan Israel ta stojol te Jpaswanej yu'une; te snich'nab Sión tse'eluc me yo'tanic ta stojol te Ajwalil yu'unique.

Efesios 2:6

Soc pajal la scha'cuxajtesotic tal soc Cristo, soc ha nix la yac' huhcajucotic soc ta ch'ulchan,

Sofonías 3:14

¡C'ayojinan, yantsil-nich'anat Sión! ¡awonan yu'un yutsil q'uinal, Israel! ¡Tse'eluc awo'tan, spisil awo'tan ayuc yutsil q'uinal yac awa'iy, yantsil-nich'anat Jerusalén!

Salmos 119:60

Ya jsuj jba, ora nax ya jpas te mandariletic awu'une.

Salmos 119:32

Ya x'ahnimajon ta be yu'un te mandariletic awu'un, como yac awa'bon tse'el co'tan.

Salmos 111:4

La yac' te ma xch'ay ta o'tanil te yutsil ya'tel; lec yo'tan te Jehová soc ya sna' c'uxultaywanej.

Salmos 63:5

Bayel ya sta swe'el te jch'uhlel hich te bin ut'il ta banti lequil chahpambil we'elil, ta scuenta bayel yutsil q'uinal ya ca'iy, ya calbat yutsil ac'oblal,

Salmos 48:9

Te c'alal ayotcotic ta yohlil te Templo awu'un, Dios cu'untic, ya jna'cotic te sc'uxul awo'tane.

Salmos 42:4

Ha ya jna'ticlan ini soc ya xtal mel-o'tan yu'un: ha te bin ut'il la joquin bahel tsobolic soc la jquic'ticlan bahel ta sna Dios, ta scuenta aw yu'un yutsil q'uinal ya ya'iyic soc halbeyel wocol Dios te pueblo te yac ta spasel q'uin.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

Filipenses 4:4

Spisiluc me ora tse'eluc awo'tanic ta stojol te Cajwaltique. Ya jcha'halbeyex xan: ¡Tse'eluc me awo'tanic!

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

Cantares 4:10

¡C'ax t'ujbil te sc'uxul awo'tan, ha'at quihts'inat, jlecolat! c'ax hich t'ujbil a te sc'uxul awo'tan te bin ut'il vino, soc te perfume awu'un, c'ax hich sumet yic' a te bin ut'il spisil yantic te sumet yiq'ue.