Apocalipsis 9:20 - Bible in Tzeltal Bachajón

²⁰ Te jayeb xan mach'atic ma ba lajic yu'un te wocoletic ini, ma teyuc la suhtes yo'tanic yu'un a te bin spasoj ta sc'abic, soc ma ba la yihquitayic sch'uhunel te pucujetic soc te yahcananic pasticlambil ta oro, plata, bronce, ton, soc te', te ma xyilic q'uinal, ma xya'iyic c'op soc ma xbehenic.

Nuevo Testamento Tzeltal de Amatenango

²⁰ Pero te jayeb xan sobra te gente, te machꞌatik maꞌ chamik yuꞌun te wokoletik to, ni maꞌ sujtes yoꞌtanik yuꞌun te tut ma lekuk spasojik ta skꞌabike. Ni maꞌ yijkitayik yichꞌel ta mukꞌ te pukujetike y sok te lotil diosetik te pasbil ta oro sok ta plata sok ta bronse sok ta ton sok ta teꞌ, te ma xjuꞌ ya yilik kꞌinal ni ma xyaꞌi kꞌop ni ma spas xbeen.

Bible in Tzeltal de Oxchuc y Tenejapa

²⁰ Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.

Apocalipsis 9:20 Referans Kwoze

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

Apocalipsis 9:21

Ma ba la suhtes yo'tanic yu'un smilawic, yilojelic, schijil-o'tanic soc yeleq'uic.

1 Timoteo 4:1

Pero jamal ya yal te Espíritu te ta nopol slajibal c'ahc'al ay mach'atic ya yihquitayic sch'uhunel Dios, ya me st'unic jlo'loywanej espírituhetic soc te bintic ya yaq'uic ta nopel pucujetic.

Hechos 19:26

pero awilojic soc awa'iyejic te Pablo la yac' te parte ya yac' sbahic bayel ants-winiquetic ta scuenta te bin ya yac' ta nopel, ma ha'uc nax li' ta Éfeso, jteb ma spisiluc te Asia; ha ya yal te ma ha'uc diosetic te bin ya yich' pasel ta c'abal.

Hechos 7:41

Hich la spasic sloc'omba jcolel toro, la ya'beyic milbil mahtanil te loc'omba, tse'el yo'tanic yu'un te bin la spasic ta sc'abic.

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

2 Corintios 12:21

C'alal ya xcha'talon, ya jxi' te ya spehc'anon ta atojolic te Diose, soc te ya x'oc'on yu'un tsobol te stahojic smulic pero ma ba suhtem yo'tanic yu'un te bin bohlobtesbil sc'oblal, yu'un antsiwej soc antsinel, soc te bintic chopol ya smulan sbaq'uetal te spasojique.

Jeremías 51:17

Ha sonso spisil ants-winiquetic, ma sna'ic q'uinal. Spisil te mach'atic ya spasic loc'ombahetic ya xq'uexawic yu'un, como lotil te loc'ombahetic, mayuc scuxlejal.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

San Mateo 21:32

como te Juan tal ta atojolic yu'un ya ya'beyex awilic te be yu'un te bin stojil ay ta pasel, pero ma ba la ach'uhunic, yan te jc'an-patanetic soc te j'antsineletic la sch'uhunic stuquelic. Pero te ha'exe, aunque la awilic, ma ba la asuhtes awo'tanic yu'un yac ach'uhunic.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 25:6

Ma me xat'unic bahel yantic diosetic yu'un yac awac' abahic ta a'batinel yu'unic soc yac ach'uhuntayic; soc ma me xawac' ilinucon ta scaj ya'tel ac'abic. Hich mayuc bin chopol ya jpasbe, xchihic.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Salmos 106:37

La ya'beyic ta milbil mahtanil te pucujetic te queremetic soc ach'ixetic yu'unic.

2 Crónicas 34:25

ta scaj te la yihquitayonic soc la schic'beyic pom te yantic diosetic, hich la shachbonic quilimba a yu'un spisil te bintic la spasique. Ha yu'un ya xtal quilimba ta stojol te lugar ini, ma ba ya xtup'.

2 Reyes 22:17

ta scaj te la yihquitayonic, la schic'beyic pom yantic diosetic, la yaq'uic ilinuc co'tan yu'un spisil bintic la spasic. Tihlemix quilimba ta stojol te lugar ini, ma ba ya xtup'.

Deuteronomio 32:17

La ya'beyic milbil smahtan pucujetic, ma ha'uc te Diose, ha diosetic te ma ba sna'beyejic sba, ha diosetic te ach' to nax chicnaj, te ma ba ich'bilic ta muc' yu'un te ame'atatique.

Apocalipsis 16:8

Te schanebal ch'ul a'bat la smal te sbahl te copa yu'un ta c'ahc'al, ha a'bot te ya schic' te ants-winiquetique.

Isaías 41:7

Te carpintero ya ya'be smuc'ul yo'tan te j'ultesej taq'uin, te mach'a ya sch'ul ta martillo ya ya'be smuc'ul yo'tan te mach'a ya sten taq'uin ta stenojibal, hich ya yalbe: Lec ay banti lap'bil, xchi. Patil ya ya'be clavo yu'un ma syuc' sba a.

Isaías 2:8

Ha nix hich nojel ta loc'ombahetic te sq'uinalique, ya squejan sbahic ta stojol te ya'tel te sc'abic, te bin spasojic ta yal sc'abic.

2 Crónicas 28:22

Te bin ora ay swocol te Acaz, la to sta xan smul ta stojol Jehová;

Levítico 17:7

Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

Deuteronomio 4:28

Tey yac ach'uhuntayic diosetic te pasbilic yu'un winiquetic ta te' soc ta ton, te ma xyilic q'uinal, ma xya'iyic c'op, ma xwe'ic soc ma xyich'ic ic'.

Daniel 5:4

La yuch'ic vino soc la yalbeyic yutsil sc'oblalic te diosetic te pasbilic ta oro, ta plata, ta bronce, ta hierro, ta te' soc ta ton.

Miqueas 5:13

Ya jimbat te bintic lop'talambil soc te tonetic ch'ultesbilic awu'une; mayuquix bin ora yac aquejan aba ta stojol te ya'tel ac'ab.

Apocalipsis 9:19

te yip te cawuhetic ay ta yehic soc ta snehic; como te snehic, te hich yilelic te bin ut'il chan, ay sjolic te ya x'uts'inwanic a.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.