Apocalipsis 9:14 - Bible in Tzeltal Bachajón

¹⁴ Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.

Nuevo Testamento Tzeltal de Amatenango

¹⁴ Y te kꞌope la yalbe te swaktulul ángel te yichꞌoj kornetae: “Kolesa te chantul angeletike te teꞌ chukajtik te ba ay te mukꞌul ukꞌum Eufratese”, xchi.

Bible in Tzeltal de Oxchuc y Tenejapa

¹⁴ La caiy stojol te jich albot te swaquebal ch'ul abat te yich'oj oq'uese: “Coltaya bael te chantul ch'ul abatetic chuculic ta bay ti' muc'ul ja' Eufrates”, la yut.

Apocalipsis 9:14 Referans Kwoze

Apocalipsis 16:12

Te swaquebal ch'ul a'bat la smal te sbahl te copa yu'un ta muc'ul-ha' Éufrates, tup' ya'lel te muc'ul-ha' scuenta yu'un chapal ya xc'oht te be yu'un te ajwaliletic ya xtalic ta stojol banti ya xloc' tal c'ahc'al.

Apocalipsis 9:15

Hich la yich'ic tilel te chaneb ch'ul a'batetic te chapajtic te bin ora, bin c'ahc'alil, bin uhil, soc bin ha'bilil, scuenta yu'un ya smilic jun ta yoxchahpal te ants-winiquetique.

Jeremías 51:63

Te c'alal ya xlaj awilbel te hun ini, ya me achuc soc ton, ya me ach'oj ochel ta muc'ul-ha' Éufrates,

2 Samuel 8:3

Ha nix hich te David la stsal te Hadad-ezer snich'an Rehob, ajwalil yu'un Soba, te c'alal yac ta yich'el suhtel te sq'uinal ta muc'ul-ha' Éufrates.

Génesis 2:14

Hidekel sbihil te yoxebale, ha te ya x'oquin c'axel ta stojol banti ya xloc' tal c'ahc'al yu'un te sq'uinal Asiria. Éufrates sbihil te schanebale.

Apocalipsis 8:6

Te huqueb ch'ul a'batetic te yich'ojic te huqueb cornetahetic la schahpan sbahic yu'un ya yoq'uesinic.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.

Apocalipsis 8:2

Patil la jquil te huqueb ch'ul a'batetic te tec'ajtic ta stojol Dios, a'botic huqueb cornetahetic.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Deuteronomio 1:7

Bahanic ta witsiltic yu'un te amorreohetic soc spisil te q'uinaletic ta sjoyobal, ta Arabá, ta witsiltic, ta spamlejetic, ta Neguev, ta sti'il mar, ta sq'uinal te cananeohetic soc ta Líbano, c'alal ta muc'ul-ha' Éufrates.

Josué 1:4

Awu'unic ya xc'oht te q'uinal c'alal ta jochol taquin q'uinal c'alal ta Líbano ha to ta muc'ul-ha' Éufrates, spisil te sq'uinal heteohetic c'alal ta Muc'ul Mar ta stojol banti ya xmahl c'ahc'al.

Apocalipsis 7:2

Soc la jquil yan ch'ul a'bat te mo tal ta banti ya xloc' tal c'ahc'al, yich'oj te sello yu'un te cuxul Dios. Tulan la yawtay te chaneb ch'ul a'batetic te yich'oj ya'telic ta sjinel te q'uinal soc te mar,