Apocalipsis 8:2 - Bible in Tzeltal Bachajón

² Patil la jquil te huqueb ch'ul a'batetic te tec'ajtic ta stojol Dios, a'botic huqueb cornetahetic.

Nuevo Testamento Tzeltal de Amatenango

² Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.

Bible in Tzeltal de Oxchuc y Tenejapa

² La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

Apocalipsis 8:2 Referans Kwoze

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

Apocalipsis 8:6

Te huqueb ch'ul a'batetic te yich'ojic te huqueb cornetahetic la schahpan sbahic yu'un ya yoq'uesinic.

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Apocalipsis 16:1

La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

1 Corintios 15:52

jts'ihn nax, ta muhts' nax ta sitil, ta slajibal yoq'uel corneta, como ya yich' oq'uesinel corneta, te mach'atic chamenic mayuc sc'a'emal a ya xcha'cuxajtesotic tal, soc te ho'otic ya xc'atp'ujotic,

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 8:13

La jquil ay jxic yac ta wihlel ta po'tal ch'ulchan, tulan yac ta c'op la jca'iy: ¡Ay me swocolic, ay me swocolic, ay me swocolic te mach'atic nahinemic ta bahlumilal, ta scaj te yan oq'uesinel corneta yu'un te oxeb xan ch'ul a'batetique! xchi.

Apocalipsis 9:1

Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.