Apocalipsis 8:11 - Bible in Tzeltal Bachajón

¹¹ Ch'ahco' sbihil te eq'ue. Ch'ahub jun ta yoxeht'el te ha'etic, soc tsobol mach'atic chamic ta scaj te ha' te ch'ahube.

Nuevo Testamento Tzeltal de Amatenango

¹¹ Te sbiil te ekꞌe: “Chꞌa”, y ta yoxxejtꞌelal te ba ay jaꞌetike chꞌa a la sujt. Y ta skaj te chꞌaub te jaꞌetik, bayal gente a cham.

Bible in Tzeltal de Oxchuc y Tenejapa

¹¹ Ch'aal Wamal sbiil te eq'ue. Mero ch'a c'ot te ja'etic yu'une. Jich laj bayal ta jtul te ants-winiquetic ta swenta te ja'e, yu'un mero c'ax jelawen nax xch'aal c'ot.

Apocalipsis 8:11 Referans Kwoze

Jeremías 23:15

Ha yu'un te Jehová te scuentahinej spisil hich ya yalbe sc'oblal te jalwanejetic: Ya cac'ticlambe swe'ic ch'ahco' soc ya cac'ticlambe yuch'ic ha' te yich'oj veneno, como ta scuenta te jalwanejetic ta Jerusalén te puhc bahel ta spahmal q'uinal te ma xyich'ic ta muc' te Diose, xchi.

Jeremías 9:15

Ha yu'un hich ya yal te Jehová te scuentahinej spisil, te Dios yu'un Israel: Ilawil, te pueblo ini ya ca'be swe' ch'ahco' soc ya ca'be yuch'ic ha' te ay svenenohil.

Deuteronomio 29:18

Ma me ayuc ta awohlilic winic o ants, jchahp na, o jchahp ts'umbalil, te hich ay yo'tan te ya yihquitay te Jehová te Dios cu'untic, yu'un ya yac' sba ta a'batinel yu'un te lotil diosetic yu'un te nacionetic ini; ma me ayuc ta awohlilic te hich c'ohem te bin ut'il slohp' te ya yac' te bin ch'a te ya xmilawan,

Amós 6:12

¿Ya bal x'ahnimajic ta tontiquil te cawuhetique? ¿Ya bal stuquic lum tey a soc j'a'tel-wacaxetic? Pero ha'ex la ac'atp'unic ta veneno te stojil chahpanel, soc la ac'atp'unic ta bin ch'a te sit te bin stojil ta pasele.

Amós 5:7

¡Ay me awocol ha'ex te yac ac'atp'unic ta bin ch'a te stojil chahpanel, soc te yac ach'ojic ta lum te bin stojil ta pasele!

Lamentaciones 3:19

Na'bon te jwocol soc te jmel-o'tan, te ch'ahco' soc te sch'ahe.

Proverbios 5:4

pero te slajibal, c'ax hich sch'ahal a te bin ut'il ch'ahco', te ye hich ya xlajinwan a te bin ut'il espada te scha'bunjehchel ay ye.

Apocalipsis 8:7

Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Lamentaciones 3:5

la schahpan busambil lum ta jtojol soc la sjoytayon ta bin ch'a soc wocol.

Rut 1:20

La sjac' te Noemí: ¡Ma xawalboniquix Noemí, a'boniquix jbihilin Mara, yu'un bayel la ya'bon jwocol te Mach'a spisil ya xhu' yu'un!

Éxodo 15:23

C'ohtic ta Mara, pero ma ba hu' la yuch'ic te ha' tey a, yu'un ch'a. Ha scuentahil te Mara c'oht sbihil yu'unique.

Zacarías 13:8

Ta spisil te q'uinal, xchi te Jehová, cha'tsal ta yoxtsalal ya yich'ic lajinel soc ya xch'ayic bahel, pero te jtsal xan ya xhil tey a stuquel.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Apocalipsis 9:15

Hich la yich'ic tilel te chaneb ch'ul a'batetic te chapajtic te bin ora, bin c'ahc'alil, bin uhil, soc bin ha'bilil, scuenta yu'un ya smilic jun ta yoxchahpal te ants-winiquetique.

Apocalipsis 9:18

Jun ta yoxchahpal te ants-winiquetic lajic yu'un te oxchahp wocol: ha te c'ahc', te ch'ahil soc te azufre yac ta loq'uel ta yehic;

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.