Apocalipsis 7:9 - Bible in Tzeltal Bachajón

⁹ Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Nuevo Testamento Tzeltal de Amatenango

⁹ Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.

Bible in Tzeltal de Oxchuc y Tenejapa

⁹ Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Apocalipsis 7:9 Referans Kwoze

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

San Juan 12:13

la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.

Salmos 2:8

C'ambon, hich ya ca'bat awu'untay te nacionetic, awu'un ya xc'oht c'alal ta sti'il te bahlumilale.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 6:11

Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

Jeremías 3:17

Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

San Lucas 12:1

Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

Salmos 22:27

Ya me sna'ic soc ya me suhtic tal ta stojol Jehová spisil mach'atic ayic ta sti'il bahlumilal, soc spisil ta chahp nahetic yu'un te nacionetic ya me squejan sbahic ta atojol,

Levítico 23:40

Ta sba c'ahc'al yac awich'ic tal te sit yu'un te mero lequil te'etic, soc ya'binal xahn, sc'ab te'etic te bayel ya'binal soc sauce-te'etic ay ta ti'ti'ha'etic; huqueb c'ahc'al buen tse'eluc me awo'tanic ta stojol Jehová te Dioson awu'unique.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Hebreos 11:12

Ha yu'un ta scuenta jtuhl winic te c'ax mamalix, tsobol loq'uic a hich te bin ut'il eq'uetic ta ch'ulchan soc hich te bin ut'il shi'al mar te ma xhu' ta ahtayel.

Efesios 6:13

Ha yu'un ich'ahic spisil te a'tejibaletic yu'un Dios, scuenta yu'un hich ya xcuhch awu'unic ta yorahil a te bin chopol, soc teme hu' awu'unic spisil, hich jun awo'tanic c'alal slajibal.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Daniel 6:25

Hich te ajwalil Darío la sts'ihbabe spisil te pueblohetic, nacionetic soc c'opiletic ta spisil q'uinal, hich la yal: Ayuc bayel lamal q'uinal yac awa'iyic.

Salmos 98:3

La sna' te sc'uxul yo'tan soc te stalel jun yo'tan ta stojol te sna Israel; spisil c'alal sti'il bahlumilal yilojic te colel yu'un te Dios cu'untique.

Daniel 4:1

Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,

Salmos 77:2

Te bin ora ayon ta mel-o'tan, la jle te Jehová, sjunal ahc'abal la jtoy jc'ab, ma ba la jca'be scux yo'tan; ma ba la sc'an ya xmuc'ub q'uinal ya'iy te jch'uhlele.

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Salmos 76:4

Ha'at ay awutsilal atuquel, c'ax hich smuc'ul awutsilal a te bin ut'il yutsilal te witsiltic yu'un nutsojel.

Zacarías 10:8

Ya quic'ticlan talel ta scuenta xuxubtayel soc ya jtsobticlan, como la jcoltayiquix; hich ya xp'ohlic te bin ut'il ta nahil to.

Apocalipsis 7:8

ta jchahp sts'umbal Zabulón j'ohlil scha'pic (12,000) ta tuhl, ta jchahp sts'umbal José j'ohlil scha'pic (12,000) ta tuhl, soc ta jchahp sts'umbal Benjamín j'ohlil scha'pic (12,000) ta tuhl ac'ticlambot sellohilic.

Apocalipsis 22:3

Mayuquix tey a te bin chopol sc'oblale. Tey ay a te smuc'ul-huctajib te Dios soc te Jcolel Tuminchij, soc te a'batetic ayic ta a'batinel yu'un,

Ezequiel 47:5

La scha'p'is xan ohlil yoxbahc' (1,000) xuhc'ubil, muc'ul-ha'ix c'oht, ma ba hu'ix jc'axel a, como noj mohel te ha' te ma xhu' c'axel a, ha nax ta nuxel.