Apocalipsis 7:17 - Bible in Tzeltal Bachajón

¹⁷ como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

Nuevo Testamento Tzeltal de Amatenango

¹⁷ Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.

Bible in Tzeltal de Oxchuc y Tenejapa

¹⁷ Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Apocalipsis 7:17 Referans Kwoze

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 4:11

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.

Salmos 23:5

Yac achahpambon jwe'el ta mesa ta stojol te jcontratac; yac amalbon aceite ta jol, yac ta malel yu'un snojel te copa cu'une.

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Isaías 25:8

Ya me slajin scuenta sbahtel q'uinal te lajele, te Cajwaltic Jehová ya scusticlambe ya'lel sitic ta spisilic, ya sloq'ues ta spahmal bahlumilal te bin q'uexlaltic sba yu'un te pueblo yu'une; yu'un hich yaloj te Jehová.

San Juan 10:14

Ho'on te lequil jcanan-tuminchijon; ya jna'ticlambe sba te tuminchijetic cu'un, soc te tuminchijetic cu'un ya sna'bonic jba,

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

Isaías 12:3

Soc yutsil awo'tanic yac aloq'uesic ha' ta sloq'uib-ha'etic yu'un colel.

Salmos 28:9

Coltaya te pueblo awu'un soc a'beya bendición te mach'atic awu'untayej; canantaya hich te bin ut'il jcanan-tuminchij soc peta ta ac'ab spisil ora.

Miqueas 5:4

C'alal ya xtal ya me xhahch scanantay ta scuenta yu'el te Jehová, ta scuenta yutsil sbihil te Jehová te Dios yu'une; jun yo'tan ya x'ayinic, como muc' sc'oblal ya xc'oht c'alal ta sti'il te bahlumilale;

Isaías 60:20

Te c'ahc'al awu'un ma ba ya xmahlix bahel, soc ma ba ya xch'ayix bahel te u awu'une; como te Jehová stalel sacal q'uinal awu'un ya xc'oht, soc ya xlaj te sc'ahc'alel mel-o'tan awu'une.

Isaías 49:9

yu'un hich yac awalbe te mach'atic chuculic: ¡Loc'anic! xchihat, soc te mach'atic ayic ta yihc'al q'uinal: ¡Ac'a abahic ta ilel! xchihat. Ya me sta swe'elic ta behetic, soc ya me sta aquiltic ta spisil toyol q'uinaletic te mayuc bin colem tey a.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

Isaías 30:19

Pueblo yu'un Sión te nahinemex ta Jerusalén, ma ba ya x'oc'atix. Te mach'a ya ya'iy c'uxultaywanej ya sna'bat yo'bolil aba soc ya sjac'bat te c'alal ya ya'iy te aw awu'une.

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

1 Pedro 5:2

Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Miqueas 7:14

Canantaya te pueblo awu'un soc anabete', ha te jtsohb tuminchijetic te ha awu'un c'oht, te stuquel nahinem ta ha'maltic, ta lequil q'uinal; ac'a we'uquic ta Basán soc ta Galaad, hich te bin ut'il ta namey.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Salmos 22:26

Ya me xwe'ic te pobrehetic soc ya me xnoj sch'uhtic; ya me yalbeyic yutsil sc'oblal Jehová te mach'atic ya slehic; cuxul ya xhil awo'tanic sbahtel q'uinal.

Isaías 30:25

Ta sc'ahc'alel bayel miltamba soc te bin ora ya xjihn cohel toyol ilo-q'uinaletic ay me muc'ul ha'etic soc be-ha'etic te ya x'oquinic bahel ta spisil toyol witsetic soc ta toyol tsehletic.

Isaías 51:11

Ya me suhtic tal te mach'atic ac'bilic ta libre yu'un Jehová; ya me x'ochic bahel ta Sión soc c'ayoj, soc ha corona ya xc'oht yu'unic te tse'el-o'tanil te stalel ay. Ya me stahic yutsil yo'tanic soc tse'elil yo'tanic, ya x'ahn loq'uel te bin c'ux soc te ahcane.

Isaías 65:19

Bayel me yutsil co'tan ya ca'iy yu'un te Jerusalén soc tse'el me co'tan yu'un te pueblo cu'une; mayuquix bin ora ya x'a'iyot oq'uel o aw tey a.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 21:23

Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.