Apocalipsis 6:8 - Bible in Tzeltal Bachajón

⁸ Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Nuevo Testamento Tzeltal de Amatenango

⁸ La kil y la jta ta ilel jkojt kawu yax-yaxtik ta ilel y te machꞌa moem aye, “Lajel” xchi te sbiile. Tsꞌakal tal ta spat te machꞌa skuentainej te yawil te animaetike. Y aꞌbot spoder ta xejtꞌuk te xchanxejtꞌel te balmilale, yuꞌun ya smil ta guerra, ta wiꞌnal, ta chamel, y sok ta tiꞌel ta chanbalametik te aylan ta balmilale.

Bible in Tzeltal de Oxchuc y Tenejapa

⁸ Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Apocalipsis 6:8 Referans Kwoze

Oseas 13:14

Ya cac' ta libre ta sc'ab te stsobojibal mach'atic chamenic, ya jcoltay loq'uel ta lajel. Ho'on, jlajinwanejon awu'un, lajel; ho'on, jinawalon awu'un, stsobojibal mach'atic chamenic. Ma ba ya jna'be yo'bolil sbahic.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Zacarías 6:3

te yoxebal nitbil ta saquil cawuhetic, soc te schanebal nitbil ta pinto cawuhetic.

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Apocalipsis 9:18

Jun ta yoxchahpal te ants-winiquetic lajic yu'un te oxchahp wocol: ha te c'ahc', te ch'ahil soc te azufre yac ta loq'uel ta yehic;

Isaías 25:8

Ya me slajin scuenta sbahtel q'uinal te lajele, te Cajwaltic Jehová ya scusticlambe ya'lel sitic ta spisilic, ya sloq'ues ta spahmal bahlumilal te bin q'uexlaltic sba yu'un te pueblo yu'une; yu'un hich yaloj te Jehová.

Apocalipsis 9:15

Hich la yich'ic tilel te chaneb ch'ul a'batetic te chapajtic te bin ora, bin c'ahc'alil, bin uhil, soc bin ha'bilil, scuenta yu'un ya smilic jun ta yoxchahpal te ants-winiquetique.

1 Corintios 15:55

Ha'at, lajel, ¿banti ay te ac'uxule? Ha'at, muquenal, ¿banti ay te tsalaw awu'une? xchi.

Habacuc 2:5

Te mach'a bayel ya yuch' vino, ya x'ac'awan ta c'abal; te jtoybahil ma ba lec ya xc'oht ta loq'uel; ya xmuc'ub snuc' hich te bin ut'il te tsobojibal mach'atic chamenic, soc ma xnoj sch'uht hich te bin ut'il te lajel, aunque ya stsob ta stojol spisil te nacionetic, soc ya stsob spisil te pueblohetique.

Jeremías 16:16

Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.

San Mateo 11:23

Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

Jeremías 43:11

Ya me xtal sjin te sq'uinal Egipto. Ya xlajic te mach'atic sc'oblal ya xlajic, ya yich'ic chuquel te mach'atic sc'oblal ya xchucotic, soc ya xlajic ta espada te mach'atic sc'oblal ya xlajic ta espada.

Proverbios 5:5

Ya xco bahel ta lajel te yoc; te jujujihm yoc toj ya xbaht ta yawil mach'atic chamenic.

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Jeremías 29:17

Hich yaloj te Jehová te scuentahinej spisil: Ya jticombe espada, wi'nal soc jmilawal-chamel; ya jpas te hich ayic te bin ut'il higohetic te ma lecuc, te c'ax chopolic te ma xhu' ta lo'ele.

Ezequiel 29:5

Pajal ya cac'at hilel ta jochol taquin q'uinal soc spisil te chayetic yu'un te muc'ul-ha'etic awu'une; ya xbuchat ta yohl q'uinal, ma ba yac awich' tsobel o tamel. Ya cac' sti'at ti'awal chambahlametic ta q'uinal soc te mutetic te ya xwihlic ta toyol.

San Mateo 24:7

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.