Apocalipsis 6:15 - Bible in Tzeltal Bachajón

¹⁵ Te ajwaliletic te ayic ta bahlumilal, te mach'atic tulan ya'telic, te capitán soldadohetic, jc'uhlejetic, te mach'atic ich'bilic ta muc', spisil te mosohetic soc te mach'atic ayic ta libre, la snac' sbahic ta ch'entiquil soc ta sc'uhb tontiquil ta witsiltic,

Nuevo Testamento Tzeltal de Amatenango

¹⁵ Te machꞌa tulan yaꞌtelik ta balmilale la snakꞌ sbaik ta chꞌentikil y ta latsꞌ-tontikil ta witstikil, jun nax sok te machꞌatik mukꞌ ayike, sok te statal soltaroetike, sok te jkꞌulejetike, sok te machꞌatik beno spuersaike, y spisil te machꞌatik ayik ta mosoile, y sok te genteetik te libre aye.

Bible in Tzeltal de Oxchuc y Tenejapa

¹⁵ Te muc' ajwaliletic te ayic ta balumilale soc te mach'atic muc' sc'oplalique soc te jc'ulejetique soc te capitán-soldadoetique soc te mach'atic ay yipique soc te abatetique soc te mach'atic ayic ta libre, la snac' sbaic ta nailch'en soc ta toyol witstiquil.

Apocalipsis 6:15 Referans Kwoze

Isaías 2:19

Te ants-winiquetic ya me x'ochic bahel ta ch'entiquil soc ta banti jamajtic te lumq'uinal, ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 2:10

¡Ochan bahel ta ch'en, nac'a aba ta lumq'uinal ta stojol te Jehová te xiweltic sba, ta stojol te sts'anabul te smuc'ul yutsilale!

Hebreos 11:38

Te winiquetic ini, mayuc mach'a ya xpajbot yutsilalic ta bahlumilal, bayuc behenic ta jochol taquin q'uinal, ta witsiltic, ta ch'entiquil soc ta lehch-ch'entiquil.

Miqueas 7:17

Ya me sleq'uic ts'u'lum hich te bin ut'il chan, hich te bin ut'il te chanetic ta q'uinal; Yaquic ta nihquel a ya xloq'uic tal ta banti snac'oj sbahic, soc bayel xiwel ya xtalic ta stojol Jehová te Dios cu'untic, ya me xiwic ta atojol.

Isaías 42:22

Pero ha te pueblo ini te la yich' elc'anel soc pojbeyel sbiluquic, spisilic macbilic ta ch'en soc otsesbilic ta cárceletic. Elc'ambil sbiluquic, mayuc mach'a ya x'ac'otic ta libre yu'un; pojbil sbiluquic, mayuc mach'a hich ya yal: Suhteslanahic bahel, te xchihe.

Salmos 76:12

Ha ya slajimbe yip yo'tanic te yal-snich'nab ajwaliletic; ha xi'bil yu'un te ajwaliletic ta bahlumilal.

1 Samuel 13:6

Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.

Jueces 6:2

Te bin ut'il behbe tohyel swocolic yu'un Madián, te snich'nab Israel la spasic banti la snac' sbahic ta witsiltic, ch'entiquil soc ahnibaletic ta scaj te la xi'ic te madianetique.

Génesis 3:8

Patil te winic soc te ants la ya'iybeyic sc'op te Jehová Dios te yac ta c'axel ta ts'umbil q'uinal te c'alal ya sicub q'uinal ta tibiltic, hich la snac' sbahic ta stojol te Jehová Dios ta yohlil te te'etic ta ts'umbil q'uinal.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.