Apocalipsis 6:12 - Bible in Tzeltal Bachajón

¹² La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Nuevo Testamento Tzeltal de Amatenango

¹² Te kꞌalal la xchꞌiꞌ te swakebal seyo te Chꞌin Karnerae, la kil tal jun tulan jikichab. Te kꞌajkꞌale ijkꞌ a sujt jachik tutꞌil kꞌuꞌul-pakꞌal te skuenta ajtal-oꞌtane; te ue spisil tsaj a sujt jachik tutꞌil chꞌichꞌ;

Bible in Tzeltal de Oxchuc y Tenejapa

¹² La quil c'alal la sjam te swaquebal sello te Alalchije, tal tulan nijq'uel ta balumilal. Te c'aale ijc'ub. Jich c'ot ta ilel te bit'il ijc'al ch'ixal pac' swenta mel-o'tan. Te ue tsajub jich bit'il stsajal te ch'ich'e.

Apocalipsis 6:12 Referans Kwoze

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

Joel 2:10

Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

Joel 3:15

Ya x'ihc'ub te c'ahc'al soc te u, ya xtup' sts'anabul te eq'uetique.

Amós 8:9

Ta hich ora, xchi te Jehová, te Ajwalil, ya cac' te ya xmahl c'ahc'al ta ohlil c'ahc'al, c'alal saquix q'uinal a ya jmuc ta yihc'al q'uinal.

Apocalipsis 16:18

Xliplajan hahchel tsantsehwaletic, c'opetic, chahwuquetic soc tulan la snic sba te q'uinal, mayuc hich tulan nihquel te jayeb ora ayic ta bahlumilal te ants-winiquetique.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Isaías 50:3

Ya ca'be slap yihc'al q'uinal te ch'ulchan soc ya jmuc ta ch'ixal-pac', xchi te Jehová.

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Apocalipsis 8:5

Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.

Isaías 24:23

Ya xtsajub yu'un q'uexlal te u, ya xq'uexaw te c'ahc'al te c'alal ya x'och ta ajwalil ta wits Sión, ta Jerusalén te Jehová te scuentahinej spisil, soc te ya xtihl yutsilal ta stojol te mamaletic yu'une.

San Mateo 24:7

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.

San Marcos 15:33

C'alal la sta ohlil c'ahc'al, ihc'ub spisil te q'uinal ha to ta oxeb ora stibiltayel q'uinal.

San Mateo 28:2

Tal tulan nihquel, yu'un co tal ta ch'ulchan jtuhl ch'ul a'bat yu'un te Cajwaltic, baht ta muquenal, la sbalch'un loq'uel te ton, la shuhcan sba tey a.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

San Mateo 27:45

Ohlil c'ahc'al a, ihc'ub q'uinal ta spisil te q'uinal, ha to c'alal ta oxeb ora suhtel c'ahc'al.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

Amós 1:1

Ha sc'op Amós, jtuhl jcanan-tuminchij ta Tecoa, te la yalbe sc'oblal te Israel ta yorahil Uzías ajwalil yu'un Judá, soc te Jeroboam snich'an Joás, ajwalil yu'un Israel, cheb ha'bil ma to xtal nihquel a.

Isaías 34:4

Spisil te bintic ayic ta ch'ulchan ya xtup' bahel soc hich ya yich' balel te ch'ulchan te bin ut'il balbil hun; spisil te bintic ay tey a ya xluhbaj cohel hich te bin ut'il ya'binal ts'usub, hich te bin ut'il ya'binal higuera.

San Mateo 11:21

¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

Apocalipsis 8:12

Te schanebal ch'ul a'bat la yoq'uesin te scorneta; ehchenaj jun ta yoxeht'el te c'ahc'al, u soc eq'uetic scuenta yu'un ya x'ihc'ub jun ta yoxeht'elic. Hich ma ba sacub q'uinal jun ta yoxeht'el te c'ahc'al, soc ha nix hich te ahc'abal.

Apocalipsis 16:8

Te schanebal ch'ul a'bat la smal te sbahl te copa yu'un ta c'ahc'al, ha a'bot te ya schic' te ants-winiquetique.