Apocalipsis 5:13 - Bible in Tzeltal Bachajón

¹³ Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.

Nuevo Testamento Tzeltal de Amatenango

¹³ Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Bible in Tzeltal de Oxchuc y Tenejapa

¹³ Spisil te bitic chicnantesbil yu'une te ay ta ch'ulchan soc ta balumilal soc ta ye'tal balumilal soc ta mar soc spisil te bitic ay tey a, jich yacalic ta yalel: “Te mach'a nacal ta muc'ul nactijibal soc te Alalchije, ac'a yich' albeyel wocol. Ay ta ich'el ta muc', ay yutsilal soc ay yu'el ta sbajt'el q'uinal”, xiic ta spisilic.

Apocalipsis 5:13 Referans Kwoze

Filipenses 2:10

scuenta yu'un ta sbihil Jesús ya me squejan sbahic spisil mach'atic ayic ta ch'ulchan, ta bahlumilal soc ta ye'tal bahlumilal,

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Apocalipsis 5:3

Mayuc mach'a ay ta ch'ulchan, ta bahlumilal o ta ye'tal bahlumilal te hu' yu'un ya sjam te hun o te ya yile.

Apocalipsis 5:12

tulan yacalic ta yalel: Te Jcolel Tuminchij te la yich' milel, ha mero yu'un te ya yich' yu'el, sc'uhlejal, p'ijil-o'tanil, yip, yich'el ta muc', yutsilal, soc halbeyel yutsil sc'oblal, xchihic.

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

1 Pedro 5:11

¡Ac'a yich' halbeyel sc'oblal te yutsilal soc ayuc me yu'el scuenta sbahtel q'uinal! Hichuc.

San Lucas 2:14

¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Isaías 42:10

C'ayojtayahic te Jehová ta yach'il c'ayoj, halbeyahic yutsil sc'oblal c'alal ta sti'il bahlumilal, ha'ex te ya xcohex bahel ta mar soc spisil bintic ay tey a, te ti'ti'mar soc te mach'atic nahinemic tey a.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,

Judas 1:25

te hip jtuhl Dios, te Jcoltaywanej cu'untic, ayuc me yutsilal, muc' yutsil ya'tel, cuentahinwanej soc yu'el, yo'tic soc ta sbahtel q'uinal. Hichuc.

Romanos 16:27

te Dios te stuquel ay soc te ay sp'ijil yo'tan, ayuc me yutsilal sbahtel q'uinal ta scuenta te Jesucristo. Hichuc.

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.

Efesios 3:21

ha ac'a yich' halbeyel yutsilal ta iglesia soc ta scuenta Cristo Jesús ta spisil ta caj ts'umbalil, ta sbahtel q'uinal. Hichuc.

Isaías 24:14

Ya stoy sc'opic, ya x'awonic yu'un yutsil q'uinal, c'alal ta smahlib c'ahc'al ya x'awonic yu'un te smuc'ul yutsilal te Jehová.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

1 Timoteo 4:16

Tsahtaya aba soc tsahtaya te bin yac awac' ta nopele; o'tantaya, como teme hich yac apase, hich ya xcolat a soc te mach'atic ya ya'iybat te ac'ope.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Apocalipsis 5:1

La jquil ay balbil hun ta swa'el-c'ab te Mach'a hucul ta muc'ul-huctajibal, ts'ihbabil ta yutil soc ta spat soc macbil ta huqueb sello.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.