Apocalipsis 4:4 - Bible in Tzeltal Bachajón

⁴ Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Nuevo Testamento Tzeltal de Amatenango

⁴ Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Bible in Tzeltal de Oxchuc y Tenejapa

⁴ Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 4:4 Referans Kwoze

Apocalipsis 11:16

Hich te chaneb scha'winic (24) ta tuhl mamaletic huhcajtic ta shuctajibic ta stojol te Dios la spahcan sbahic soc la sch'uhuntayic te Diose,

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

Apocalipsis 4:10

te chaneb scha'winic (24) ta tuhl mamaletic ya spahcan sbahic ta stojol te Mach'a hucul ta smuc'ul-huctajib, ya sch'uhuntayic te Mach'a stalel cuxul sbahtel q'uinal, ya xohtan scoronahic ta stojol te muc'ul-huctajibal soc hich ya yalic:

Apocalipsis 7:11

Spisil te ch'ul a'batetic, te mamaletic soc te chaneb bintic cuxajtic sjoytayejic ta tec'lej te muc'ul huctajibal, la spahcan sbahic ta stojol te muc'ul-huctajibal soc la sch'uhuntayic te Diose,

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.

Apocalipsis 5:8

C'alal la yich' te hun, te chaneb bintic cuxajtic soc te chaneb scha'winic (24) ta tuhl mamaletic la spahcan sbahic ta stojol te Jcolel Tuminchij. Spisilic ay arpa yu'unic soc yich'ojic taza pasbil ta oro nojelic ta pom, ha te bin ya yalic ta sc'oponel Dios te mach'atic ch'ultesbilique.

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

2 Timoteo 4:8

Ta ora ini q'uejbilix ta jtojol te corona yu'un toj-o'tanil te ya ya'bon te Cajwaltic, te stojil Jchahpanwanej, ta sc'ahc'alel. Ma jtuqueluc nax, ha nix hich ya ya'be spisil te mach'atic toyol yo'tanic yac smahliybelic ya xtal te Cajwaltique.

Apocalipsis 19:4

Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Salmos 21:3

Yu'un loc'at ta stahel soc lequil bendicionetic, soc la awa'be scoronahin lequil oro.

Apocalipsis 19:14

T'umbil yu'un te soldadohetic ta ch'ulchan, cajajtic ta saquil cawuhetic soc slapojic lequil lino-pac' te buen sac soc mayuc yabaquil.

Apocalipsis 6:11

Hich ac'ticlambot slapic saquil pac' soc halbotic te ya me smahliyic jtebuc xan, ha to teme ts'acay spisil te smohloltac soc te yermanotac te ya to xlajic ta milel hich te bin ut'il lajic ta milele.

Apocalipsis 9:7

Te c'ulubetic hich yilelic te bin ut'il cawuhetic chahpambilic ta guerra. Te bin ay ta sjolic, sjel ta corona pasbil ta oro, soc sjel ta sit yelaw winic te sit yelawique.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Ester 8:15

Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

Apocalipsis 3:18

Ha yu'un ya calbat te yacuc amambon oro te lecubtesbil ta c'ahc', scuenta yu'un jc'uhlej ya xc'ohat a; soc yacuc amambon sac ac'u' apac' te yac alap, scuenta yu'un ma ba ya xchicnaj te aq'uexlal te bin ut'il watalat; soc yacuc amambon spoxil asit scuenta yu'un yac awil q'uinal a.

Apocalipsis 4:6

Soc ta stojol te muc'ul-huctajibal ay sjel ta muc'ul mar yilel, sacliplip hich te bin ut'il cristal. Soc tec'ajtic ta sjoyobal te muc'ul-huctajibal ay chaneb bintic cuxajtic te scohtol ay sitic ta stahnic soc ta spatic.

Apocalipsis 5:6

La jquil ta yohlil te muc'ul-huctajibal te joytaybil yu'un te chaneb bintic cuxajtic soc te mamaletic, tey teq'uel a te Jcolel Tuminchij te yich'oj milel yilel; ay huqueb xulub soc huqueb sit, ha te huqueb espírituhetic yu'un Dios ticombilic bahel ta swohlol bahlumilal.

Apocalipsis 5:11

Patil la jquil, soc la jca'iybe sc'op bayel ta mil millón ch'ul a'batetic ta sjoyobal te muc'ul-huctajibal, soc te bintic cuxajtic soc te mamaletic,

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.